Christian Churches of God

No. 141E

 

 

Mga Digmaan ng Wakas Bahagi III: Armagedon at ang mga Mangkok ng Poot ng Diyos

 

(Edition 3.0 20180919-20181210-20210206-20250327)

 

Ang tekstong ito ay tumatalakay sa pagdating ng Mesiyas at ang pagkakasunud-sunod ng pagpapasuko sa sanlibutan sa ilalim ng mga Kautusan ng Diyos at ang paghahanda nito para sa Milenyo.

 

 

Christian Churches of God

PO Box 369,  WODEN  ACT 2606,  AUSTRALIA

 

 Email: secretary@ccg.org

 

(Copyright ©  2018, 2021, 2025 Wade Cox)

 

This paper may be freely copied and distributed provided it is copied in total with no alterations or deletions. The publisher’s name and address and the copyright notice must be included.  No charge may be levied on recipients of distributed copies.  Brief quotations may be embodied in critical articles and reviews without breaching copyright.

 

 

This paper is available from the World Wide Web page:
http://www.logon.org and http://www.ccg.org

 

 

 

Mga Digmaan ng Wakas Bahagi III: Armagedon at ang mga Mangkok ng Poot ng Diyos

 

 

Bahagi III

 

Seksyon 1

 

Ang Unang Pagkabuhay na Mag-uli

Sa kabanata 37, binanggit ni Ezekiel ang Libis ng mga Tuyong Buto.

 

Naputol man ang buong sambahayan ng Israel, bubuhayin pa rin ng Diyos ang Kanyang bayan. Ang Sambahayan ni Israel ay ang Iglesia, na siyang ubasan ng Panginoon (Isa. 5:7) at ang Iglesia ay tila patay na.

 

Kapag nangyari na ang pagkabuhay na mag-uli na ito, malalaman ng mga pagano na ang Diyos ay nagpapabanal sa Israel at ang Kanyang santuwaryo ay mananatili sa gitna nila magpakailanman.

 

Sa pagkakasunud-sunod ay lumilitaw na ang Pagkabuhay na Mag-uli ng mga Patay ay nauuna sa mga Labanan sa Magog at sa mga nauugnay na bansa sa Digmaan sa Hamon-Gog. Ang katotohanan ay nagpapang-abot ang mga ito at ang mga labanan ay nagpapatuloy pagkatapos ng pagkabuhay na mag-uli ng katawan ni Cristo, na siyang Sambahayan ni Israel. Gayundin ang Apocalipsis 3:10 ay nagpapakita na ang Malaking Kapighatian ay naaayon sa parehong mga sistema ng Sardis at Laodicea ngunit ang sistema ng Filadelfia ay protektado. Mas makikita natin ito sa ibaba.

 

Timing ng Pagparito

Mayroong dalawang alternatibo para sa pagdating ng mga Saksi at pagkatapos ay ng Mesiyas.

 

Ang una ay batay sa palagay na ang Banal na Araw ng Mga Pakakak ay kumakatawan sa pagdating ng Mesiyas. Nangangahulugan iyan na ang mga Saksi ay dapat naroroon sa Jerusalem 1264 na araw bago nito, sa loob dapat ng Kapistahan na para sa Paskuwa, at saka magpapatuloy para sa panahon mula Paskuwa hanggang sa Mga Pakakak pagkaraan ng 1264 na araw.

 

Lumilitaw na ito ang kalagayan batay sa pananaw ng iglesia sa Kalendaryo at sa simbolismo nito.

 

Gayunpaman, mayroong pang ibang pananaw at mayroong din basehan sa Kasulatan.

 

Ang pangalawang alternatibong ito ay may interbensyon ng Diyos na magsisimula sa Mga Pakakak at ang Dalawang Saksi ay darating upang basahin ang Kautusan at itatag ang Ugnayan ng Kautusan sa Mga Pakakak.

 

Pagkatapos ay magpapatuloy ito sa loob ng 1264 na araw hanggang ika-1 ng Abib at Paskuwa ng taong iyon. Ang alternatibong ito ay umaayon sa mga ginawa ni Cristo nang magpakita siya kay Josue sa Jerico pagkatapos ng pagtutuli ng Israel sa Gilgal (tingnan ang The Fall of Jericho (No. 142)).

 

Kung gayon, ito ay naaayon sa simbolismo ng Gabi ng Pagbabantay sa Paskuwa kung saan ginugol ng Iglesia ang huling dalawang libong taon sa pagpupuyat tuwing Paskuwa hanggang dis-oras ng gabi na naghihintay sa Mesiyas.

 

Ito rin ay magbibigay-daan sa mga Saksi sa pagtatapos ng Sabbath na makapaghanda para sa Mesiyas sa Paskuwa.  Kaya inaasahan natin ang Unang Pagkabuhay na Mag-uli sa Paskuwa at hindi sa Mga Pakakak.

 

Mga Layunin at Mithiin ng Unang Pagkabuhay na Mag-uli

Nakita natin na binuhay na mag-uli ng Mesiyas ang Dalawang Saksi na sina Enoc at Elias sa kanyang pagbabalik at sila ay inakyat upang salubungin siya sa kalangitan. Gayundin, ang pangyayaring ito ay naganap sa buong daigdig at lahat ng mga “nangatutulog” o mga namatay ay unang binuhay na mag-uli at pagkatapos sila at ang mga naiwang buhay ay binago lahat at dinala sa Jerusalem upang makasama ang Mesiyas. Ang mga hinirang ay makikibahagi sa Hapunan ng Kasalan ng Kordero. Ang mga kaganapang ito ay tinalakay sa mga araling Mga Pakakak [136] at Ang Langit, Impiyerno o ang Unang Pagkabuhay na Mag-uli ng mga Patay [143A]).

 

Ang kaganapang ito ay nagpayanig sa karamihan sa sanlibutan dahil ang mga turo ng mga sistemang Baal ay nagturo sa sanlibutan na maniwala na kapag sila ay namatay ay mapupunta sila sa "langit" at ang mga ayaw nila o sumasalungat sa kanila ay mapupunta sa "impiyerno." Ang mga taong ito ay hindi mga Cristiano (cf. din ang Justin Martyr, Dial. LXXX). Wala sa mga iyon ang totoo at ito ay isang  mabigat na paninira sa Kalikasan ng Diyos. Sa katunayan, ang pangunahing tema ng Koran ay upang pasinungalingan ang anumang ideya ng ganoong sitwasyon at sa halip ay palakasin ang Una at Ikalawang Pagkabuhay na Mag-uli ng mga Patay batay sa buong istraktura ng Kasulatan. Subalit, ang Hadith ay sinimulan ang pagsira sa mga turo ng Koran upang ibalik ang pagsamba kay Baal (bilang Hubal) at ang Sharia (tingnan din ang Summary of the Commentary on the Qur’an or Koran (QS)).

 

Ang pangunahing layunin ng Unang Pagkabuhay na Mag-uli ay palitan ang Hukbo ng mga Demonyo sa ilalim ni Satanas, na ang oras ay tapos na, at sila ay aalisin at ilalagay sa hukay ng Tartaros. Ang Diyos ay pumili ng isang kapalit na hukbo at napatunayan nila sa pamamagitan ng pagsubok sa ilalim ng pag-uusig at maging ng pagiging martir na sila ay mapagkakatiwalaan kahit hanggang kamatayan sa pamamagitan ng pananampalataya.

 

Ang kanilang tungkulin ay kunin ang kanilang kalagayan bilang mga espiritung nilalang at magbigay ng pangangasiwa at patnubay sa sistemang milenyo sa ilalim ni Cristo. Tulad ni Cristo sila ay handa na ibigay ang kanilang mga buhay para sa pananampalataya at para sa pag-ibig sa isa't isa at upang maglingkod sa katawan ni Cristo.

 

Sa loob ng sistemang milenyal ang mga hinirang na pinili ng Diyos sa pamamagitan ng Kanyang Omniscience ay itinalaga (cf. Predestinasyon [296]), inihanda at ibinigay kay Cristo sa pagkabuhay na mag-uli na ito. Pagkatapos ay isinugo sila upang pasukuin ang sanlibutan at ihanda ito para sa sistemang milenyo na tatagal ng 1000 taon, at pagkatapos ay para sa Ikalawang Pagkabuhay na Mag-uli kung kailan ang lahat ng tao ay mabubuhay na mag-uli at muling sasanayin upang gampanan ang kanilang tungkulin sa Hukbo ng Langit bilang mga espiritung nilalang (tingnan din ang Ang Ikalawang Pagkabuhay na Mag-uli at ang Paghuhukom sa Dakilang Puting Trono [143B]).

 

Ang buong Nangahulog na Hukbo na tinatawag nating mga demonyo o jinn ay papatayin sa pagtatapos ng panghuling digmaan sa katapusan ng Milenyo at magiging katawang tao sa Ikalawang Pagkabuhay na Mag-uli. Sila ay hahatulan at muling sasanayin ng mga hinirang sa panahong iyon (1Cor. 6:3) (tingnan din ang Ang Paghatol sa mga Demonyo [080]).

 

Ang kanilang dating espirituwal na kapangyarihang taglay ay kukunin at aalisin at gagawing fuel source sa Lawa ng Apoy bilang isang alaala sa layunin ng paglalang. Pagkatapos ay bibigyan sila ng mga bagong espiritu na malaya sa kasalanan at korapsyon ng paghihimagsik.

 

Binalaan ng mga demonyo ang kanilang mga lingkod sa simbahan ng Patutot sa Roma tungkol sa mga kahihinatnan ng pagdating ni Cristo at ng mga propesiya ng mga Ebanghelyo at ng Apocalipsis na sumusunod sa Daniel. Ang “propesiya” o “pangitain” na ito ay naganap sa pamamagitan ng diumano’y mga pahayag ng nagpakitang “Birhen” sa mga bata sa Fatima. Ang Ikatlong lihim sa Fatima ay sa katunayan dalawang lihim, bahagi 3A at bahagi 3B o ang Ikaapat na Lihim ng Fatima.  Ang papel na Fatima Bahagi 3A ay tungkol sa isang pangitain ng pagkamatay ng The Last Pope (No. 288) sa isang Burol malapit sa lungsod. Ito ay may 62 linya. Ipinapalagay nila na ang lungsod ay Roma. Sinasabi ng pangitain na ang lungsod ay nawasak at maraming sundalo ang bumaril sa pope at pinatay siya sa pamamagitan ng execution. Nabasa na iyon at sinikap ng papacy mula kay Pius XII na ipaliwanag ito sa iba’t ibang paraan at kalaunan ay iniuugnay ito sa tangkang pagpaslang kay John-Paul II at sinasabing tapos na ang banta.  Gayunpaman, iyon ay isang salarin at isang pagbaril lamang at nabuhay siya ng karagdagang 25 taon. Ang pananaw na iyon ay hindi tumutugon sa pangitain ng 3A. Gayunpaman, ang Paper 3B ay may 20-25 na linya sa isang liham sa Vatican papal apartments sa isang compartment sa wooden desk na “Barbarigo”. (Ito ay iniulat na lantarang sinabi ni Arsobispo Capovilla.) Ang tekstong ito ay tungkol sa mga salita mula sa “Birhen.” Ang dalawang sobre ay nakatakdang buksan noong 1960 ng obispo ng Fatima o ng cardinal patriarch ng Lisbon. Binasa rin ang mga ito noong 1955 ayon sa mga talaan. Dalawang teksto ang binasa ng mga pope, si Paul VI noong 1963, at muli noong 1978 ni John Paul II (hindi 1981 gaya ng sinasabi). Tumutukoy ito sa katiwalian ng Simbahang Romano sa buong mundo at sa malawakang pagkawasak na magaganap sa huling mga labanan. Ang mga malalakas na pagsabog sa mga dagat ay sasabayan din ng mga tidal wave at mga pagbaha tulad ng ating tinalakay sa Bahagi I. 

 

Ipinapakita rin sa pangitain na ang dogma ng pananampalataya ay pananatilihin sa Portugal, ngunit ang ipinapahiwatig nito ay mayroong pandaigdigang dogmatikong krisis na siya ring hinulaan ni Pius XII noong 1931.  Nangyayari na ito ngayon sa Patutot sa buong mundo. Mayroon ding pagtukoy sa buntot ng dragon at sa ikatlo ng mga bituin sa langit. Alam ng mga demonyo na ang tekstong ito ay tumutukoy sa kanila, ngunit iniisip ng mga Katoliko na ito ay tumutukoy sa mga pinuno ng simbahan. Tama lang na tinutukoy nila ang parehong elemento sapagkat ang mga demonyo ay umiiral sa pamunuan. Gayundin, ang mga Apoy na nagmumula sa langit ay naroon sa 3B. Ang mga ito ay tumutukoy sa parehong kometa at sa kapangyarihan ng mga Saksi.

 

Ang mga pagtanggi ni Cardinal Bertone tungkol sa 3B at ang pagsasabing 3A ang authentic text ay pinabubulaanan na ngayon sa pangkalahatan.

 

Ang timing at balangkas ng pagkakasunod-sunod ng pagdating ng Mesiyas ay ibinigay sa ilalim ng mga araling Advent of the Messiah Part I (No. 210A) at Advent of the Messiah (No. 210B). Ang proseso sa seryeng ito ay nagpapakita ng sistematikong pagkawasak ng Simbahang Romano at ng mga huwad na relihiyon ng sanlibutan. Hindi ito maaaring ihayag sa mundo sapagkat ang Roman curia ay natatakot na baka kumilos ang simbahan at linisin ito sa kasamaan. Gayunpaman, tanging ang Mesiyas lamang ang makakagawa nito, upang alisin ang mga demonyo nito at ang sodomiya nito.

 

Mga tauhan

Ang Apocalipsis kabanata 7 ay nagpapakita ng istruktura ng Pagkabuhay na Mag-uli bilang ang 144,000 na inilaan sa labindalawang lipi na may 12,000 bawat lipi at pagkatapos ay ang Lubhang Karamihan na di mabilang ng sinuman.

 

Ang mga grupong ito ay kinuha mula sa isang serye ng mga grupo. Ang Unang grupo ay ang mga patriyarka ng pananampalataya gaya ng natukoy sa Kasulatan mula kay Adan hanggang kay Noe at pababa hanggang kay Abraham hanggang sa mga lipi.

 

Ang Ikalawang Grupo ay ang mga propeta na lahat ay pinili ng Diyos at sa kanila kumikilos ang Banal na Espiritu upang ihayag ang propesiya at patnubay para sa piniling bayan.

 

Bago dumating ang Mesiyas, tanging sa pamamagitan lamang ng pagpili ng Diyos bilang isang propeta maaaring makapasok ang isang tao sa kung ano ang kalauna'y magiging Katawan ni Cristo. Gayunpaman, sa pagkakaloob ng Banal na Espiritu sa pamamagitan ng kamatayan at pagtanggap kay Cristo, ito ay binuksan sa lahat ng sangkatauhan upang makahiling na ipagkaloob ang Banal na Espiritu at maging bahagi ng Katawan ni Cristo. Nagsimula itong ipagkaloob noong Pentecostes 30 CE sa Jerusalem (cf. Timing of the Crucifixion and the Resurrection (No. 159) at The Holy Spirit (No. 117)).

 

Ang pagkakaroon ng bukas na oportunidad ay nagresulta ng konsepto na maraming tinawag ngunit kakaunti ang napili.  Maaari silang humingi ng oportunidad ngunit mabibigo sila dahil hindi sila pinili at tinawag ng Diyos dahil alam Niyang mabibigo sila. Ito ay nakatali sa konsepto ng Predestinasyon sa itaas.

 

Ang kahulugan ng hinirang ay matatagpuan sa Apocalipsis 12:17 at 14:12. Ito ang mga sumusunod sa mga Kautusan ng Diyos at sa Pananampalataya at Patotoo ni Jesucristo. Kaya ang antinomianismo ay hindi kasama sa mga hinirang (tingnan ang Man of Sin and the Apostasy (No. 299E) at gayundin Antinomian Destruction of Christianity by Misuse of Scripture (No. 164C)).

 

Ang checklist para sa Unang Pagkabuhay na Mag-uli ay simple lamang.

 

Kinakailangan na ang isang tao ay mabautismuhan sa pamamagitan ng paglulubog bilang isang nagsisising tao na nasa hustong gulang ng isang awtorisadong opisyal ng mga Iglesia ng Diyos at sundin ang mga Kautusan ng Diyos batay sa dalawang Dakilang Utos at sa Sampung Utos kung saan nakapaloob ang lahat ng mga kautusan at mga propeta.

 

Ang Ikaapat na Utos ay ang tanda ng pananampalataya at ang Tipan ay nakatali rito (cf. din Surah 4:154).

Ang mga Sabbath ng Diyos ay:

1. Ang lingguhang mga Sabbath;

2. Ang mga Bagong Buwan;

3. Ang mga Kapistahan

At ang mga Banal na Araw.

Gayundin ang palaging handog na susunugin ay nakatali din rito (cf. ang mga talaan ng sistema ng Templo ni Philo sa God’s Calendar (No. 156)).

 

Ang Hapunan ng Panginoon ay ang Ikalawang Sakramento ng Pananampalataya at dapat ipagdiwang taon-taon sa gabi sa simula ng ika-14 ng Abib gaya ng ginawa sa loob ng maraming siglo.

 

Gayundin ang pag-aayuno sa Pagbabayad-sala ay dapat tuparin at ang pag-aayuno sa ika-7 ng Abib ay dapat ding tuparin para sa pagpapabanal ng mga Walang-malay at Nagkakamali (cf. Pagpapabanal ng mga Walang-malay at Nagkakamali [291]). Bahagi iyon ng buong Proseso ng Pagpapabanal (Pagpapabanal ng Templo ng Diyos [241] at Pagpapabanal sa mga Bansa [077]).

 

Ang mga sistema ng Sardis at Laodicea ng mga Huling Araw ay kinorap ang mga doktrina ng iglesia at ang God’s Calendar (No. 156) tulad ng ginawa ng Juda at dahil dito ay hindi pinahihintulutang makapasok sa Kaharian ng Diyos maliban kung magsisisi. Dahil sa mga kamalian at kapabayaan na ito, ang kanilang ministeryo ay malubhang parurusahan.

 

Ang isang tao ay hindi makakapasok sa Kaharian ng Diyos alinman sa Unang Pagkabuhay na Mag-uli o sa sistemang milenyal nang hindi tinutupad ang mga aspetong ito.

 

Bakit ang iba ay tinanggihan

Sa mga Huling Araw halos ang buong mundo ay pinagkaitan ng pagpasok sa Kaharian ng Diyos dahil hinayaan nila ang kanilang sarili na lubusang malinlang. Lagi namang nasa kanila ang Kasulatan ngunit ayaw nilang pag-aralan ang mga ito. Karaniwan naman itong accessible maliban sa mga lugar kung saan ang simbahan ng Patutot ay ginawa itong imposibleng ma-access kung saan napilitang magtago ang mga ito.  Gaya ng ipinaliwanag natin sa Bahagi I, nilikha ni Satanas ang mga huwad na sistema batay sa pagsamba kay Baal at sa diyosang si Easter (o Ishtar) o Ashtoreth at nakorap ang Cristianismo.

 

Ang simbahan ng Patutot pagkatapos ay sinikap patayin ang lahat ng mga nasa Pananampalatayang Sabbatarian sa paglipas ng mga taon. Ipinaliwanag natin ang pagkakasunod-sunod na ito sa mga araling General Distribution of the Sabbath-keeping Churches (No. 122) at gayundin ang Role of the Fourth Commandment in the Sabbath-keeping Churches of God (No. 170).

 

Ang mga hinirang ng Unang Pagkabuhay na Mag-uli ay pinatay sa milyun-milyon sa loob ng dalawang libong taon, hindi lamang ng mga pagano sa simula, kundi higit sa lahat ng mga sumasamba tuwing Linggo na mga Trinitarian na Sumasamba kay Baal bilang mga bulaang Cristiano na hindi man lang alam na hindi sila totoong Cristiano.

 

Gayundin, sila'y inusig at pinatay ng mga bulaang Muslim na naligaw palayo sa Koran at sa Kasulatan dahil sa mga Hadith at sa mga kasinungalingan ng mga Imam na nagpapakilala sa Diyos na para bang isang ulyaning matanda na hindi na maalala ang Kanyang sariling instruction manual.

 

Ang lahat ng huwad na relihiyon ay tatanggihan na makapasok sa Unang Pagkabuhay na Mag-uli at malibang sila ay magsisi sila ay mamamatay bago ang Milenyo. Tanging ang mga nabautismuhan bilang isang nagsisising tao na nasa hustong gulang at sinunod ang Kalendaryo ng Diyos at naging bahagi ng pananampalataya ang pahihintulutang makapasok.  Kaya't ang mga nabuhay pagkatapos ng Ikawalong siglo ay hindi pahihintulutang makapasok. Maliban sa mga nasa pananampalataya na nagtatago, ang mga tao ay karaniwang hindi pahihintulutang makapasok maliban sa nagsisi na nabautismuhan (cf. Koran on the Bible, The Law and the Covenant (No. 083) at Sabbath in the Qur’an (No. 274)).

 

Magiging gayon din sa lahat ng mga Liberation theology, Animism at Agnostics at Atheists at sa mga walang pakialam. Sila ay kinakailangang muling maturuan upang pahintulutang makapasok sa sistemang milenyal. Walang magiging negosasyon.

 

Walang ibang paraan kundi sa pamamagitan ng pagsisisi at pagpapabautismo at pagkatapos ay pagtanggap sa katawan ni Cristo. Ang lahat ng mga manggagawa ay makakatanggap ng parehong sahod gaano man sila kahuli dumating sa bukid at ang sahod na iyon ay ang kaligtasan.

 

Mga Tungkulin

Ang mga hinirang ay bibigyan ng kanilang mga takdang gawain at utos at pagkatapos ay magsisimulang harapin ang sangkatauhan at ipapasailalim sila sa kontrol ng Mesiyas sa mga kasunod na labanan. Ibibigay sa kanila ang lahat ng kapangyarihan ng Hukbo at magiging kasamang tagapagmana ni Cristo bilang Elohim o Theoi bilang mga anak ng Diyos gaya ni Cristo na nauuna sa kanila (Zac. 12:8 at Jn. 10:34-36).

 

Ang kasunod na labanan na kanilang haharapin ngayon ay Armagedon.

 

Bahagi III

 

Seksyon 2

 

Armagedon

Pagkatapos ng Unang Pagkabuhay na Mag-uli

Ang War of Hamon Gog (No. 294) ay kilala sa modernong panahon bilang Armagedon na kasunod ng Unang Pagkabuhay na Mag-uli. Ito at ang mga bansang sangkot ay ipinaliwanag nang detalyado sa araling (No. 294) na naka-link sa itaas.

 

Ang kaganapang ito ay nasa mga Huling Araw at kinapapalooban nito ang pagkakasunod-sunod ng digmaan na pinasimulan ng mga pagkilos ng Mesech at Tubal ngunit kinabibilangan ng maraming bansa kabilang ang hukbo ng Gomer kasama ang mga anak ni Elam o Persia, at pagkatapos ay yaong mga taga-Etiopia at Libya na mga anak ni Ham.

 

Ang mga taong binanggit na taga-Gomer ay mula sa North Quarters, at ang Togarma ay partikular na binanggit na darating, ngunit ang Gomer ang unang binanggit. Mayroon samakatuwid na pagkakaiba sa hukbo ng Gomer kung saan ang Askenaz at Rifat ay naiiba sa Togarma na binanggit nang hiwalay. Kapag naunawaan natin kung sino ang mga bansang ito sa modernong mga termino makikita natin na sila ay nasa magkabilang panig ng mga labanang ito.

 

Ang mga labanang ito ay magaganap sa mga Huling Araw pagkatapos na maipanumbalik ang bansang Israel at mabawi ang mga lupain mula sa pagiging tiwangwang at muling mapunuan ng mga kagubatan.

 

Batay sa ating kasalukuyang kaalaman tungkol sa mga lipi ni Gomer at ng mga Hebreo, kabilang na ang bansang Israel, ang mga anak nina Askenaz at Rifat ay nasa Israel bilang mga Judio, at nasa kanilang mga kaalyado sa mga hukbo sa Iraq at Afghanistan.

 

Sila ay tinututulan ng Elamite Persia o Iran at ng alyansang Arabo kabilang ang Libya at Etiopia na binubuo ng Sudan. Ang Iran ay nag-aarmas sa kasalukuyan ng mga sandatang nuclear. Ang mga komento sa kabanata 38 ay nagpapakita na ibababa ng Diyos ang napakalaking Hukbo ng Hilaga laban sa Israel upang ipakita sa mga bansa na ang Diyos ay pinapaging-banal sa pamamagitan ng paglipol sa mga hukbo ni Gog (cf. War of Hamon-Gog (No. 294) para sa mga detalye).

 

Nakita natin na ang mga resulta ng pagkakasunud-sunod ng Mga Digmaan ng Wakas Bahagi I: Mga Digmaan ng Amalek [141C] ay mga salot at pagdanak ng dugo at mga natural na kalamidad. Kaya’t mararanasan ng mga bansa ang salot ng mga sakit at mga parasites at gayundin ang mga sakit sa dugo at ang pinalalalang mga bunga ng pagkakasakit.

 

Sa Ezekiel kabanata 39, makikita natin na si Gog ng Meshec at Tubal ang pinaikot at ang ikaanim na bahagi lamang ng mga ito ang natirang buhay. Sila ay ibinagsak at binuwal sa mga bundok ng Israel. Nangangahulugan iyan na ang mga hukbo ng Alyansa ay kailangang muling isaayos at umatras pabalik sa Israel, dadaan sa Syria at Jordan.

 

Mula sa teksto ng War of Hamon-Gog (No. 294) makikita natin na ang "Ezekiel kabanata 32 ay nagpapakita na ang Ehipto ay sumapi sa hukbong ito ng Meshec at Tubal at ng mga nalalabi sa Edom. Ngayon ang Edom ay nahahati sa dalawang bahagi. Ang isang bahagi ay nasa Israel bilang bahagi ng Juda at ang isa ay nasa baybayin ng Mediterranean kung saan ito ay bahagi ng alyansa ng taga-Fenicia. Kasama rin niya ang mga taga-Sidon ng Lebanon at ang mga Elamita o taga-Persia ay ibinagsak din kasama niya. Kaya nakikita natin ang isang Alyansang Islamiko na binubuo ng mga bansang gumagawa ng langis, ang Iran, Libya, at Sudan, na kaalyado ng Ehipto at matapos ang unang yugto ng Digmaan ng Amalek, mapipilitan silang makipag-alyansa sa mga hari ng Hilaga.

 

Sinasabi ng Ezekiel kabanata 30 na ang Araw ng Panginoon ay binubuo ng pagbagsak ng mga bansa ng Ehipto, Etiopia at pagkatapos ay Libya at Lydia, na nasa Turkey at lahat ng magkakahalong lahi at Chub (maaaring Mauritania o Cobe sa Etiopia).

 

Sa Ezekiel kabanata 26 at 27 makikita natin ang mga propesiya laban sa prinsipe o Hari ng Tiro at si Nebuchadrezzar ay dinala laban sa kanila. Ang salitang ito ay binaybay nang apat na beses ni Ezekiel at gayundin ni Jeremias. Ito ay binaybay na Nebuchadnezzar ni Bersosus na Caldeo mula sa mga inskripsyon sa mga monumento. Si Nebuchadnezzar ay minsang tinawag na itinalagang lingkod ng Panginoon sa Daniel kabanata 8. Ang baybay na may r ay maaaring simboliko na ang hari ng Babilonia ay hindi lingkod ng Diyos sa kontekstong ito.

(cf. Komentaryo sa Daniel Kabanata 8 [F027viii])

 

Ang mga problema sa Ezekiel ay nagpapakita na tayo ay nakikitungo sa type at antitype, at ang mga pagkilos noong panahon ng mga pagsalakay ng mga taga-Babilonia at hilagang imperyo sa ilalim ni Cambyses, na kumilos bilang katuparan ng mga propesiyang ito, muling tinupad ng iba pang mga Hukbo sa Hilaga, at ang mga ito ay nagresulta sa pagkawasak ng Ehipto at pagkawasak ng kanyang mga lungsod (tingnan ang araling The Fall of Egypt: the Prophecy of Pharaoh’s Broken Arms (No. 036) at pati na rin ang bahagi II (No. 036_2)).

 

Pagsusukat sa Templo bilang bahagi ng mga digmaan ng wakas

Gayon din: “Sa kabanata 40, si Ezekiel ay binigyan ng isang pangitain tungkol sa pagsusukat sa Templo. Sinukat niya ang mga panloob na silid mula sa mga pintuang-daan at sa panloob na patyo (Ezek. 40:1-23). Pagkatapos ay sinukat niya ang panlabas na patyo (Ezek. 40:24-34) Pagkatapos ay sinukat niya ang Pintuang-daan sa Hilaga kung saan ang mga handog ay hinuhugasan at inihahanda (vv. 35-39, 40-43).

 

Sa labas ng Lalong Loob na Pintuang-daan ay may mga silid na ukol sa mga mangaawit sa lalong loob na looban, na nasa tabi ng Pintuang-daang Hilagaan; at nakaharap sa dakong timugan, ay sa mga saserdote, sa mga namamahala sa bahay (v. 45). Ang mga silid na nakaharap sa dakong hilagaan ay sa mga saserdote, na mga namamahala sa dambana. Ang mga ito ay mula sa mga anak ni Zadok at mga anak ni Levi (v. 46). Kaya sa mga Huling Araw na ito makikita natin ang pagbabalik-loob ng mga anak ni Levi at sa pamamagitan ni Zadok. Sila ay susukatin at ihahanda para sa kanilang pagbabalik-loob. Pagkatapos ay sinukat niya ang portiko.

 

Mula sa kabanata 41, hinarap ni Ezekiel ang pagsusukat sa Templo. Ang pagkakasunod-sunod na ito ay may dalawang tungkulin. Inilalarawan nito ang simbolikong batayan ng Templo ng Pagpapanumbalik, subalit inilarawan din nito ang mga espirituwal na pagkilos ng Templo ng Diyos, kung saan ang templong ito ay tayo.

 

Sa kabanatang ito ay inilalarawan niya ang mga kerubin habang sila ay nakatayo sa magkabilang gilid ng mga puno ng palma, na sumasagisag kay Jesucristo. Ito ang dalawang elohim na pumalit kay Satanas at sa Aeon, sina Abraham at Moises, ang dalawang tinukoy bilang Elohim sa Kasulatan.

 

Sa kabanata 42 sinukat niya ang pinakaloob ng bahay at doon ang mga saserdote ay kumain ng mga pinakabanal na bagay. Ito ay nagpapakita ng tungkulin ng Espiritu sa pagpapakilala ng mga hiwaga ng Diyos sa mga hinirang sa loob ng Templo habang ang mga ito ay inihahayag sa mga hinirang sa isang progresibong batayan.

 

Sa kabanata 43 mababasa natin ang pangitain ng kaluwalhatian ng Panginoon na dumating sa Pintuang-daan sa Silangan. Ang pangitaing ito ay gaya ng nakita niya sa ilog ng Chebar. Kaya ang kaluwalhatian ng Panginoon na nagpakita kay Ezekiel noon ay ang pangitain na nakita niya sa mga Huling Araw at ang pagpapanumbalik ng Templo, at ang nilalang na pumasok dito mula sa pintuan-daan ng Prinsipe, na siyang Pintuang-daan sa Silangan. Ito ay ang Mesiyas, at kaya ang Mesiyas ay ang Anghel ng Panginoon, ang Kerubin na nakipag-usap kay Ezekiel. Sa Ezekiel 43:7 ay tinukoy niya ang anak ng Tao at ang katotohanan na ang lugar na ito ay dapat na maging banal at hindi na ito dapat lapastanganin pa ng pag-uugali ng mga tao sa paglilibing ng mga bangkay ng kanilang mga hari at nilalapastangan ang Banal na Lugar sa pamamagitan ng pagpapatutot, na isang espirituwal na prostitusyon, na isang idolatriya, at panlilinlang at huwad na pagsamba. Pagkatapos ay iniutos ng Diyos na itigil nila ang kanilang kasalanan at kasamaan at sundin Siya.

 

Pagkatapos ay itinakda niya ang Kautusan ng Bahay, na siyang Kautusan ng Diyos na isinakatuparan ng mga propeta at gaya ng tinukoy ni Cristo at ng mga Apostol. Ang Kautusan ay Kabanal-banalan at nasa taluktok ng bundok (Ezek. 43:12).

 

Mula sa panahong ito ang mga alituntunin ng dambana ay itinatag. Ang mga Saserdote ni Zadok ay magpapatuloy sa mga handog ng pagpapanumbalik. Ang ibig sabihin ng Zadok ay ang matuwid at sa katuwiran matatapos ang pagpapanumbalik bilang banal sa Panginoon. Ito ay sa loob ng pitong araw na kanilang lilinisin ang dambana ng mga handog at itatalaga ang kanilang mga sarili at sa ikawalong araw ay ihahandog nila ang kanilang mga handog na susunugin sa ibabaw ng dambana at tatanggapin ng Diyos ang Kaniyang bayan, ito ang sabi ng Panginoong Diyos (Ezek. 43:26-27).

 

Sa kabanata 44, sinabi kay Ezekiel na ang prinsipe ay papasok sa Pintuang-daan sa Silangan at ang Tinapay ng Santuwaryo ay kakainin doon. Ang Pintuang-daan sa Hilaga ang nagbigay daan sa hukbo at napuno ng Kaluwalhatian ng Panginoon ang santuwaryo. Sinabi ng Diyos kay Ezekiel na tandaan ito ng mabuti, ang alituntunin hinggil sa Bahay at ang mga kautusan dito. Sa Ezekiel 44:6-7 ay sinabi niya, ‘Iyong sasabihin sa mapaghimagsik, sa sambahayan ni Israel, Ganito ang sabi ng Panginoong Diyos: O kayong sambahayan ni Israel, tigilan na ninyo ang lahat ninyong mga kasuklamsuklam, sa inyong pagtanggap ng mga dayuhan na hindi tuli sa puso at hindi tuli sa laman, upang makapasok sa aking santuwaryo, na nilalapastangan ang aking bahay, kapag inyong inihahandog ang aking pagkain, ang taba at ang dugo. Sinira ninyo ang aking tipan, ito'y dagdag sa lahat ninyong mga kasuklamsuklam.'

 

Kaya ang mga mapanghimagsik sa Sambahayan ng Israel, na sa kasong ito ay kabilang at nauugnay sa Templo ng Diyos, ay dapat sumunod sa mga alituntunin at mga Kautusan ng Bahay at sila ay pinabanal sa ikawalong araw sa pamamagitan ng interbensyon ng mga pagkasaserdote na mga hinirang ng Diyos. Ang bayang ito ay nagpaparumi sa mga hinirang at sa Templo bilang Iglesia ng Diyos. Walang sinumang hindi nagsisisi ang papayagang makapasok sa Templo ng Diyos bilang Santuwaryo, at ang mga Levita na lumayo sa Diyos ay mananagot sa kanilang mga kasamaan. Iyan ay naaangkop sa pagkasaserdote ng mga hinirang at sila ay mananagot sa kanilang mga kasamaan. Hindi nila iningatan ang katungkulan sa mga Banal na bagay kundi naglagay ng mga tagapangasiwa para sa kanilang sariling kasiyahan. Sila ang mga humahadlang sa gawain ng Panginoon at nagtatago ng mga handog ng Diyos sa halip na ipangaral ang ebanghelyo ng Kaharian ng Diyos upang matawag at maturuan ang katawan ni Cristo (v. 8).

 

Ang mga tagapangasiwa ay itatalaga sa Bahay upang magsipangasiwa sa bayan at ang mga tagapangasiwang tumatalikod sa kanilang tungkulin ay mananagot sa kanilang kasamaan. Hindi sila makalalapit sa Panginoon. Sila ay magiging tagapag-ingat ng katungkulan sa bahay ngunit hindi kailanman makalalapit sa Panginoong Diyos. Ang matuwid na nag-iingat ng katungkulan sa Santuwaryo ay magsisilapit upang magsipangasiwa sa Panginoong Diyos (v. 15).

 

Ito ang mga nasa lalong loob na looban na nararamtan ng puting lino. Kapag sila'y lalabas upang humarap sa bayan ay magpapalit sila at hindi pababanalin ang bayan gamit ang kanilang kasuotang puting lino. Kaya't sila ang mga hinirang mula sa 144,000 na bumubuo sa panloob na ministeryo ng Diyos. “Kanilang ituturo sa aking bayan ang pagkakaiba ng banal at ng karaniwan, at ituturo sa kanila kung paano bibigyan ng pagkakaiba ang marumi at malinis. Sa isang pagtatalo ay tatayo sila bilang mga hukom, at hahatulan nila iyon ayon sa aking mga hatol. Kanilang iingatan ang aking mga kautusan at ang aking mga tuntunin sa lahat kong takdang kapistahan; at kanilang ipangingilin ang aking mga Sabbath.” (Ezek. 44:23-24).

 

Ang pagkasaserdoteng ito, na nasa mga huling araw at nasa pagkasaserdote ni Melquisedec, ay may karapatan sa ikapu at iyon ang kanilang mana sa Israel (Ezek. 44:8ff.).

 

Kapag ang lupain ay hinati sa pamamagitan ng palabunutan ay magkakaroon ng isang banal na bahagi para sa Panginoon. Dapat mayroong isang santuwaryo na ihihiwalay na banal para sa Panginoon sa bawat bahagi (Ezek. 45:1ff.). Doon maninirahan ang mga saserdote at mga tagapangasiwa upang magsipangasiwa sa bayan (v. 4). Ang mga banal na bahagi ay para sa buong sambahayan ni Israel. Ang prinsipe ay mananatili sa kanyang pag-aari sa kabilang panig ng dakong banal (v. 7) at hindi na magkakaroon ng pang-aapi sa Israel.

 

Ang mga pinuno ng Israel ay dapat magsagawa ng katarungan at matuwid na pamantayan at sila ay tatanggap ng isang Terumah levy upang magkaroon ng pagkain sa mga Sabbath at sa mga Bagong Buwan at sa mga Banal na Araw at mga Kapistahan (Ezek. 45:9-17).

 

Sa Unang araw ng Unang buwan ang paglilinis ng Santuwaryo ay nagsisimula. Ang panahong ito ng Pagpapabanal (Ezek. 45:18-19) ay hahantong sa Pagpapabanal ng mga Walang-malay at Nagkakamali sa Ikapitong araw ng Unang Buwan, Abib. Ang mga taong pinabanal sa prosesong ito ng pitong araw ay magagawang tumayo sa harap ng Panginoon. Ito ang pag-aayuno ng Ikapito ng Abib. Sa Ikawalong araw sinabi ng Diyos na diringgin Niya tayo at tatanggapin ang mga handog ng mga tao. Mula noon ang proseso ng mga Sabbath ng Panginoon ay nagpapatuloy sa lahat ng mga Kapistahan ng taon hanggang sa Tabernakulo.

 

Kaya nakikita natin na ang proseso sa itaas ay batay sa pagpili at pagtatakwil batay sa iba't ibang dahilan. Tayong mga hindi itinakwil ang ginagawang kasangkapan upang pabanalin ang Templo ng Panginoon.

 

Ang Templo ay nililinis ngayon sa patuloy na batayan. Sa atin na nakarating sa puntong ito ay nararapat batiin. Naipakita natin ang mga katangian ng espirituwal na pag-unawa at katapatan at ang kakayahang manindigan para sa pananampalataya. Sila ang mga taong bumubuo sa Iglesia ng Diyos na nakatayo sa harap ng trono ng biyaya sa karangalan at sinang-ayunan ng Diyos sa pamamagitan ng patotoo ni Jesucristo.” (cf. No. 294 ibid).

 

 

Ang Pagkakasunod-sunod ng Digmaan

Sa panahon ng Digmaan ng mga Huling Araw ay halos magunaw natin ang mundo. Sinasabi ng teksto na ang apoy ay uulan sa mga tao ng mga isla na naninirahan nang walang ingat. Ito ay tumutukoy sa mga baybayin o isla sa malayo. Ito ay hindi lamang tumutukoy sa mga isla sa silangang Mediterranean.

 

Kaya't maaari nating ipagpalagay na makikita natin ang mga digmaang nuclear o laser o pareho, o kaya'y mga kometa.

 

Ang sinaunang alyansang Hetheo at Israelita ay aktibo pa rin at makikita sa paggalaw ng mga lipi mula sa Gitnang Silangan patungo sa Europa.  Sa ilalim ng mga gawa-gawang pangyayari ang alyansang ito ay lumipat sa Afghanistan at sa dating mga estado ng Soviet at kalaunan ay sinalakay nila ang Iraq. Iyon ay ipinagpauna  sa araling Ang Huling Tatlumpung Taon: ang Huling Pakikibaka [219].

 

Noong 2001 tayo ay nasa Afghanistan at pagkatapos ay sa Iraq. Ang mga labanan ay patuloy na lumalala hanggang sa ang lahat ng bansang ito ay lahat ay nasangkot sa digmaan, at kalaunan ay dinala sa Gitnang Silangan.

 

Ang likas na tensyon sa pagitan ng Europa at Russia ay humantong sa sukdulan gamit ang mga bansa sa silangan at kanluran ng Caucasus. Ang digmaan ay lumala hanggang sa humantong ito sa sapilitang interbensyon ng mga digmaan ng Ikalima at Ikaanim na Pakakak na nakadetalye sa Mga Digmaan ng Wakas Bahagi I: Mga Digmaan ng Amalek [141C]. Kinailangang kontrolin ng Europa at ng mga kapangyarihan sa Hilaga ang Gitnang Silangan hanggang tuluyan nila itong sakupin sa pamamagitan ng puwersa, na pumatay sa isang katlo ng sangkatauhan; at si Cristo ay isinugo ng Diyos upang mamagitan.

 

Ang interbensyon ni Cristo ay sumunod sa Unang Pagkabuhay na Mag-uli at ang pagluklok sa mga Banal bilang bagong pamahalaan ng Diyos sa sanlibutang ito sa ilalim ng Mesiyas.  Sa madaling salita, gamit ang sinaunang terminolohiya, ang mga anak ni Gomer at ang mga anak ni Arphaxad, hanggang sa at kabilang ang mga bansa ng Israel, ay magsasama-sama sa Gitnang Silangan at magkakaroon ng labanan sa mga anak ni Meshec at Tubal at mga pulutong ng Togarma, at Elam at mga anak ni Ham sa Ehipto, Libya at Etiopia at Somalia.

 

Kaya, ang Gitnang Silangan ang sentro ng digmaang ito ng mga Huling Araw ginagamit ang langis at internasyonal na pananalapi bilang isang dahilan upang dalhin ang sanlibutan sa bingit ng pagkalipol.  Ang sanlibutan ay binigyan ng babala sa ilalim ng mga Saksi sa bahagi II at ngayon tayo ay nasa yugto ng pagpapasuko sa ilalim ng Mesiyas at ng mga hinirang.

 

Inihula ng propetang si Daniel ang mga problema ng mga Huling Araw. Sa Daniel Kabanata 11:31 makikita natin na ang pag-aalis ng palaging handog na susunugin ay inihula at ang mga ito ay tumutukoy sa paglalagay ng kasuklamsuklam na naninira.

 (cf. Komentaryo sa Daniel Kabanata 11 [F027xi])

 

Tinukoy ni Cristo ang tekstong ito sa Mateo 24:15. Ang palaging handog na susunugin ay inalis noong 70 CE nang palibutan ng mga hukbong Romano ang Jerusalem. Mula sa panahong ito ang teksto ay tumutukoy sa mga kumikilos nang walang kautusan sa tipan.

 

"Kanyang aakitin na may labis na papuri ang mga sumuway sa tipan, ngunit ang bayan na nakakakilala ng kanilang Diyos ay magiging matibay at kikilos. Ang marurunong sa mga mamamayan ay magtuturo sa marami, gayunman, sa loob ng ilang panahon, sila'y magagapi sa pamamagitan ng tabak at apoy, at daranas ng pagkabihag at sasamsaman" (Dan. 11:32-33).

 

Ang tekstong ito ay tumutukoy sa katotohanang sasakupin ng mga Romano ang Jerusalem at ang Hain ay titigil at pagkatapos ang mga Romano ay magtatatag ng isang pananampalataya na hindi batay sa mga kautusan kundi sa kaginhawahan at mga maling turo na sumisira sa tipan ng Diyos. Ang tunay na pananampalataya ay mananatiling buhay sa gitna ng bayan sa ilalim ng matinding pag-uusig mula sa opisyal ng namumunong sistema sa loob ng mahabang panahon o maraming araw.

 

Sinabi ni Daniel na kapag sila ay bumagsak ay tutulungan sila ng kaunting tulong. Sa madaling salita, sila ay aaliwin ng Banal na Espiritu sa gitna ng pag-uusig. "Ngunit marami ang makikisama sa kanila sa pamamagitan ng mga labis na papuri" ay isang teksto na nagpapakita ng lawak ng mga huwad na sistema ng relihiyon na gumagamit ng mga teksto ng pananampalataya para sa kanilang sariling mga layunin. Ipinaliwanag natin ito sa Bahagi I [141C].

 

Ang pag-uusig ay pinahihintulutang magpatuloy hanggang sa panahon ng kawakasan. Ang ilan sa mga hinirang na mga pantas bilang mga pinuno ay pahihintulutang mabuwal upang dalisayin sila, at linisin sila, at paputiin sila (Dan. 11:35).

 

Ang oras na itinakda para sa katapusan ng mga bagay na ito ay malapit na.

 

“Ang hari ay kikilos ayon sa kanyang nais. Siya'y magmamalaki, at magpapakataas nang higit kaysa alinmang diyos, at magsasalita ng mga kagila-gilalas na bagay laban sa Diyos ng mga diyos. Siya'y uunlad hanggang sa ang poot ay maganap; sapagkat ang ipinasiya ay matutupad. Hindi niya igagalang ang mga diyos ng kanyang mga ninuno, o ang pagnanasa sa mga babae. Hindi niya igagalang ang sinumang Eloah, sapagkat siya'y magmamalaki sa lahat. Sa halip, kanyang pararangalan ang diyos ng mga muog. Isang diyos na hindi nakilala ng kanyang mga ninuno ang kanyang pararangalan ng ginto at pilak, ng mahahalagang bato at ng mamahaling kaloob. Kanyang haharapin ang pinakamatibay na mga kuta sa tulong ng ibang diyos; sinumang kumilala sa kanya ay kanyang itataas na may karangalan. Kanyang gagawin silang mga puno ng marami at ipamamahagi ang lupa sa katumbas na halaga” (Dan. 11:36-39).

 

Ang sistemang ito na itinatag sa at ng Roma ay tumatagal ng halos labimpitong daang taon sa ilalim ng isang Godhead na inimbento noong 381 sa Konseho ng Constantinople. Ang mga lupain at ang mga mamamayan nito ay hinati at pinamunuan sa ilalim ng pag-uusig sa loob ng maraming siglo. Ito ay nangangaral laban sa mga Kautusan ng Diyos at mabisang binabago ang mga panahon at kautusan, sinisira ang sagradong kalendaryo at inuusig ang mga nagsisikap na sumunod dito.

 

Ang ibang diyos ay lumawak sa mga Huling Araw upang yakapin ang ikaapat na elemento ng Mariolatry at ang sistemang Baal sa ilalim ng Hubal at ng Hadith.

 

Ang problema ay humantong sa sukdulan sa mga Huling Araw at ang huling Hari ng Hilaga ay ang magiging Anticristo. Ang Hari ng Timog ay ang sistemang kumokontrol sa Ehipto mula 1956 at ang Kapatiran ng Muslim sa Hubal Hadith at Sharia. Ang Hari ng Hilaga ay ang sistemang Europeo kasama ang sistemang panrelihiyon nito sa mga Huling Araw.

 

Gaya ng nakita natin sa itaas sa mga bahagi I at II, siya, (iyon ay ang mga pinuno ng hilagang sistema sa mga Huling Araw) ay papasok sa Banal na Lupain ngunit hindi masasakop ang Jordan. Kukunin niya ang kontrol sa Ehipto sa panahon ng labanan at kokontrolin ang mga mapagkukunan ng langis ng Libya at hanggang sa Etiopia.

 

Sinasabi ng Daniel 11:44-45: "Ngunit ang mga balita mula sa silangan at sa hilaga ay babagabag sa kanya; at siya'y lalabas na may malaking galit upang pumuksa at lumipol ng marami. Kanyang itatayo ang mga tolda ng kanyang palasyo sa pagitan ng dagat at ng maluwalhating banal na bundok. Gayunma'y darating siya sa kanyang wakas, at walang tutulong sa kanya."

(cf. Komentaryo sa Daniel Kabanata 11 [F027xi])

 

Mula sa teksto sa Ezekiel 38 alam natin na ang mga pulutong ng Gomer at ng Rosh Meshec at Tubal ay kasangkot, kasama ang iba.

 

Kaya sa pagsasama-sama ng dalawang teksto ay makikita natin na ang Sistemang Europeo ay sasakupin ang Gitnang Silangan at kokontrolin ang kayamanan ng Libya at Etiopia, pangunahin na ang langis. Gagawin nila iyon sa ilalim ng isang alyansang militar na epektibong makokontrol ng isang lider na binigyang-inspirasyon ng demonyo, na magiging anticristo. Ang sistemang panrelihiyon na babangon kasama nito ay ang sa Bulaang Propeta.

 

Sa teksto ay makikita natin na ang balitang bumabagabag sa lapastangang lider na ito ay “mula sa silangan at sa hilaga.” Kaya't maaari nating ipagpalagay na ang tinutukoy ay ang hilagang-silangan, subalit ang pagkakabuo ng mga salita ay nagpapahiwatig na ang balita ay unang nagmula sa Silangan at pagkatapos ay mula sa Hilaga at iyan ay nagpapahiwatig ng isang alyansa ng mga bansang ito mula sa Russia hanggang sa silangan.

 

Ang digmaan ay umuunlad mula sa Hilaga patungong Russia hanggang sa China at sa mga Hari ng Silangan.

 

Sinabi ni Daniel na sa panahong iyon si Miguel ay tatayo para sa atin at ang oras na iyon ay ang panahon ng kawakasan. Ang digmaan ang magiging pinakakakila-kilabot na makita. Sa panahong iyon ang mga hinirang ay ililigtas; lahat ng nakasulat sa Aklat ng Buhay ng Panginoon; bawat isa sa mga ito ay bubuhaying muli (Dan. 12:1). Ito ang magiging simula ng Unang Pagkabuhay na Mag-uli at pagkatapos ay ang panghuling digmaan ng Hamon-Gog o Armagedon na kasunod nito.

(cf. Komentaryo sa Daniel Kabanata 12 [F027xii])

 

Ang Bundok ng mga Olibo ay Nilindol at Nahati

Sa pagdating ng Mesiyas at sa Unang Pagkabuhay na Mag-uli, si Cristo ay tatayo sa Bundok ng mga Olibo. Ang Malakas na Lindol ay magaganap at ang Bundok ay mahahati sa dalawa. Pagkatapos ay patuloy itong mahahati at gagalaw ang Sinai patimog at mabubuo ang isang kapatagan na may habang 66 km mula Hilaga hanggang Timog ng Jerusalem mula sa Dagat hanggang sa libis ng Jordan.  Ang Jerusalem ay mananatiling nakatayo sa ibabaw ng kapatagan at ang mga ilog ay aagos sa paanan sa Jerusalem at ang sariwang tubig ay gagamitin upang linisin ang maruming katubigan sa Banal na Lupain. Ang mga ito ay manggagaling mula sa artesian basin na alam natin ngayon na umiiral doon (Apoc. 16:18-21). Ang istraktura ng alokasyon ng mga lupain ay tinalakay sa teksto ng Ezekiel kabanata 45, 47 at 48.

 

Sa sobrang lakas ng lindol ang Hukbo ng Hilaga ay natulak pa-timog kasama ng Gaza at sila ay nalipol. Ang Mesiyas at ang mga Hukbo ng Matapat na Hukbo ay gagamitin upang hilahin ang buong Puwersa ng Hilaga pababa sa Megiddo at sila ay sistematikong lilipulin.

 

Ang buong NWO at ang istraktura ng UN ay lubusang nawasak. Ang dila ng Dagat na Pula ay nawasak ng lindol at ang Suez ay nagsara.

 

Matapos ang Hukbo ng Hilaga ay malipol, ang mga Hari ng Silangan ay bababa at tatawid sa ibabaw ng natuyong mga Ilog ng Tigris at Eufrates. Pagkatapos silang lahat ay malilipol.

 

Ang mga makinarya, ari-arian, at mga bangkay ay lilinisin ng mga itinalagang tao sa loob ng pitong buwan at pagkatapos isang pangmatagalang pangkat ang ilalaan sa loob ng pitong taon upang linisin ang mga lupain (Ezekiel kabanata 39; cf. War of Hamon-Gog (No. 294)).

 

Mga timing

Sa panahong iyon, ang matatalino sa pananampalataya, ang nagpapaka-pantas, ay magpapabalik ng marami sa katuwiran at maninindigan para sa pananampalataya nang may kaningningan (Dan. 12:3). Sila ang mga tinutukoy sa Daniel 11:33,35.

 

Ang pagkaunawang ito ay isinara hanggang sa panahon ng kawakasan at marami ang tumatakbong paroo't parito at ang kaalaman ay lalago (Dan.12:4).

 

Ang panahon na binanggit dito ay para sa isang panahon, mga panahon, at kalahati ng isang panahon. Ito ang parehong istraktura tulad ng nakikita natin sa mga Saksi sa panahon ng kawakasan na ipinaliwanag sa Bahagi II.  Sa panahong ito ang kapangyarihan ng Banal na Bayan ay mawawasak, pagkatapos ang lahat ng mga bagay na ito ay matatapos (Dan. 12:7-9).

 

Maging si Daniel ay hindi pinahintulutang maunawaan ang mga bagay na ipinakita sa kanya sapagkat ito ay nakasara hanggang sa panahong ito ng kawakasan at tayo ay pinagkaloobang maunawaan ang mga kaganapang ito.

 

Sa panahong ito marami ang dadalisayin, lilinisin, at papuputiin, ngunit ang masasama ay magpapatuloy sa paggawa ng kasamaan at walang sinuman sa masasama ang makakaunawa.

 

Sa Daniel 12:11-13 makikita natin na may ibinigay na saklaw ng panahon na parang hindi akma kung ibabase sa mga nangyari noong 70/71 CE.

 

"At mula sa panahon na ang palaging handog na susunugin ay aalisin, at matatayo ang kasuklamsuklam na naninira, ay magkakaroon ng isang libo't dalawang daan at siyam na pung araw. Mapalad siyang naghihintay, at datnin ng isang libo't tatlong daan at tatlong pu't limang araw."

 

At sinabi ng Diyos kay Daniel: "Nguni't yumaon ka ng iyong lakad hanggang sa ang wakas ay mangyari; sapagka't ikaw ay magpapahinga, at tatayo sa iyong kapalaran, sa wakas ng mga araw."

 

Maaari lamang itong tumukoy sa panahon ng kawakasan at hindi sa 70 CE. Ang Jubileo ay noong 77 CE. Makalipas ang 100-time cycles ay umabot tayo sa 1977 at ang huling Jubileo ng pamumuno ni Satanas ay nagsimula noong 1978 at magtatapos sa 2027 sa deklarasyon ng Jubileo at pagtatapos ng anim na libong taon ng paghahari ni Satanas sa daigdig na ito.

 

Ang yugtong ito ng propesiya ay mas mahaba ng isang buwan kaysa sa 1260 araw ng isang panahon, mga panahon, at kalahati ng isang panahon ng mga Saksi.

 

Sa panahong ito magsasama-sama ang buong mundo.

 

Kaya't maaari nating asahan na makikita natin ang pagkalupig ng mga banal bilang isang pormal na sistema, at ang kasuklamsuklam na naninira na itatatag sa Jerusalem sa Dakong Banal mula sa pagtatapos ng panahon ng mga Saksi at sa Pagkabuhay na Mag-uli ng mga Patay sa pagdating ng Mesiyas.

 

Ang saklaw ng panahon na nakikita nating nakapaloob sa mga Huling Araw batay sa ating pagtalakay sa Bahagi I at II sa itaas ng Digmaan ng Ikalimang Pakakak at pagkatapos ay ang napakabilis na pagkawasak sa Ikaanim na Pakakak, at pagkatapos ay ang 1260 araw ng mga Saksi; ang Apat na araw ng pagdating ng Mesiyas sa 1264 na araw at pagkatapos ay ang Oras ng Hayop. Ang isang propetikong oras ay mas maikli sa isang buwan ng kalendaryo ng Mesiyas at ang sanlibutan ay ibibigay ang kapangyarihan nito sa Hayop para makipagdigma laban sa Mesiyas at sa Hinirang (Apoc. 17:11-18).

 

Apocalipsis 17:11-18 At ang hayop na naging siya, at wala na, ay siya ring ikawalo at siya'y sa pito at siya'y patungo sa kapahamakan. 12 At ang sangpung sungay na iyong nakita ay sangpung hari, na hindi pa nagsisitanggap ng kaharian; datapuwa't magsisitanggap sila ng kapamahalaang paghahari na isang oras na kasama ng hayop. 13 Ang mga ito ay may isang kaisipan, at ibinibigay nila ang kanilang kapangyarihan at kapamahalaan sa hayop. 14 Makikipagbaka ang mga ito laban sa Cordero, at sila'y dadaigin ng Cordero, sapagka't siya'y Panginoon ng mga panginoon at Hari ng mga Hari; at ng mga kasama niya, na mga tinawag at mga pili at mga tapat ay nananaig din. 15 At sinabi niya sa akin, Ang tubig na iyong nakita, na kinauupuan ng patutot, ay mga bayan, at mga karamihan, at mga bansa, at mga wika. 16 At ang sangpung sungay na iyong nakita, at ang hayop, ay siyang nangapopoot sa patutot, at siya'y pababayaan at huhubaran, at kakanin ang kaniyang laman, at siya'y lubos na susupukin ng apoy. 17 Sapagka't inilagay ng Dios sa kanilang mga puso na gawin ang kaniyang kaisipan, at mangagkaisa ng kaisipan, at ibigay ang kanilang kaharian sa hayop, hanggang sa maganap ang mga salita ng Dios. 18 At ang babae na iyong nakita ay ang dakilang bayan, na naghahari sa mga hari sa lupa.

 

Kung ating isasaalang-alang ang yugto ng Hidwaan kung saan ang 1260 araw kasama ang 30 araw ng apat na araw at ng natirang araw sa 30 araw ay aabot ito ng 1290 araw at pagkatapos ay 45 araw pa hanggang umabot sa 1335 araw, makikita natin na may matitirang 45-araw na yugto pagkatapos ng mga Labanan sa Armagedon kung saan ang Kasuklam-suklam na Naninira ay ibabagsak at tila inilagay sa Dakong Banal sa pagdating ng Mesiyas at sa mga digmaan ng Armagedon at tila para sa pagpapasuko sa ilalim ng mga Mangkok ng Poot ng Diyos at sa pagwawakas ng istruktura ng paghihimagsik. Mapalad ang mga aabot sa katapusan ng 1335 araw at sa Panghuling Pagpapanumbalik sa ilalim ng Mesiyas.

 

Sa panahong ito si Cristo ay babalik. Papatayin niya ang pinunong ito sa kanyang pagdating at pagkatapos ay dadalhin ang lahat ng sistema ng Hilaga at Silangan pababa sa Megiddo upang lipulin. Ito ang labanan ng Armagedon sa Apocalipsis 16:16. Sinasalamin din nito ang labanan na nilabanan ni Josias laban kay Faraon Neco sa Megiddo noong panahong lumalakas ang mga taga-Babilonia sa Battle of Carchemish (tingnan din ang 2Cro. 35:22ff.). Ang Diyos ang nakikitungo sa bagay na ito noon at sinabi sa Juda, mula sa bibig ni Neco, na huwag makialam ngunit hindi nakinig si Josias, at ang mga pinuno nito ay napuksa. Sa panahong ito ipapanumbalik niya ang Juda sa ilalim ni Cristo.

 

Pagkatapos ng kaganapang iyon, ang digmaan ay patuloy na lalala hanggang ang planeta ay halos tuluyang mawasak. Subalit hindi pa rin sila magsisisi.

 

Ang pagkakasunud-sunod ay inilarawan sa mga araling Ang Pitong Tatak [140] at Ang Pitong mga Pakakak [141].

 

Bahagi III

 

Seksyon 3

 

Ang mga Mangkok ng Poot ng Diyos

Ang mga Digmaan sa Gitnang Silangan ay nagsimula sa ilalim ng Pundamentalistang Islam mula 2001 at gayundin ang kanilang mga pag-atake sa Kanluraning kapangyarihan at mga pangunahing lungsod.

 

Ang labanan na ito, o serye ng mga labanan, ay magpapatuloy hanggang sa pagdating ng Mesiyas at sa ilalim ng kanyang pamumuno sa natitirang bahagi ng siklo ng Sabbath.  Ang pagkakasunud-sunod at mga bansang sangkot ay ipinaliwanag sa araling War of Hamon-Gog (No. 294).

 

Ang Mesiyas ay isinugo upang bawiin ang Banal na Lupain at ilagay ang mga demonyo sa hukay ng Tartaros at pangasiwaan ang pagkabuhay na mag-uli ng mga hinirang. Pagkatapos ay magpapatuloy silang wasakin ang mga huwad na relihiyon ng planeta na itinatag sa ilalim ng Trinitarian Christianity at Hadithic Islam pati na rin ang mga relihiyon ng Liberation Theology. Ang Hukbo ay haharapin din ang mga sistemang humanista ng Agnosticism at Atheism pati na rin ang Gnostic na paniniwala ng Antinomianism at ang paniniwala sa langit at impyerno. Ang huwad na relihiyon at ang mga bulaang guro nito at Animism ay susugpuin ni Cristo sa susunod na yugtong ito (tingnan din ang: Antinomian Attacks on the Law of God (No. 164D); Antinomian Denial of Baptism (No. 164E) at Antinomian Destruction of Christianity by Misuse of Scripture (No. 164C)).

 

Matapos ang Digmaan ng Hamon-Gog o Armagedon, ang mga hinirang ay ipadadala sa iba't ibang dako ng mundo upang gampanan ang kanilang mga papel bilang mga espirituwal na pinuno ng sanlibutan at ang mga tagapagturo at tagapagpatupad ng mga Kautusan ng Diyos mula panahong iyon hanggang sa Ikalawang Pagkabuhay na Mag-uli at sa Paghuhukom sa Dakilang Puting Trono [143B]) at sa Paghatol sa mga Demonyo [080].

 

Ang pagwasak na idinulot ng mga Pakakak ay lalong lalala hanggang sa tuluyang maganap ang paninira ng mga Mangkok ng Poot ng Diyos na magsisimula at hindi matatapos hangga’t hindi napapasuko ang sanlibutan at sa wakas ay mapipilitan silang magsisi. Pagkatapos ay magpatuloy tayo sa pagtalakay sa seksyon mula sa araling Mga Digmaan ng mga Huling Araw at ang mga Mangkok ng Poot ng Diyos [141B] na ating palalawakin at ipapaliwanag dito sa ibaba.

 

Paliwanag sa Mga Mangkok ng Poot ng Diyos

Ito ang pitong panghuling salot at sa mga ito'y matatapos ang poot ng Diyos. Ang layunin ay dalhin ang sangkatauhan sa pagpapasakop at ipilit ang muling pagtuturo sa kanila upang sila ay maging handa para sa Milenyo sa ilalim ng Laws of God (L1).

 

Apocalipsis 15:1-8 At nakita ko ang isa pang tanda sa langit, dakila at kamanghamangha: pitong anghel na may pitong salot, na siyang mga panghuli, sapagkat sa mga ito'y matatapos ang poot ng Diyos. 2 At nakita ko ang tulad sa isang dagat na kristal na may halong apoy, at ang mga dumaig sa halimaw at sa larawan nito, at sa bilang ng pangalan nito na nakatayo sa tabi ng dagat na kristal at may hawak na mga alpa ng Diyos. 3 At inaawit nila ang awit ni Moises na alipin ng Diyos, at ang awit ng Kordero na sinasabi, “Dakila at kamanghamangha ang iyong mga gawa, O Panginoong Diyos na Makapangyarihan sa lahat! Matuwid at tunay ang iyong mga daan, ikaw na Hari ng mga bansa. 4 Sinong hindi matatakot at luluwalhati sa iyong pangalan O Panginoon, sapagkat ikaw lamang ang banal. Ang lahat ng mga bansa ay darating at sasamba sa harapan mo; sapagkat ang iyong mga matuwid na gawa ay nahayag.” 5 Pagkatapos ng mga bagay na ito ay tumingin ako, at ang templo ng tolda ng patotoo sa langit ay nabuksan. 6 At mula sa templo ay lumabas ang pitong anghel na may pitong salot, na nakadamit ng dalisay at makintab na lino, at nabibigkisan ng gintong pamigkis ang kanilang mga dibdib. 7 At isa sa apat na nilalang na buháy ay nagbigay sa pitong anghel ng pitong mangkok na ginto na punô ng poot ng Diyos, na siyang nabubuhay magpakailanman. 8 At napuno ng usok ang templo mula sa kaluwalhatian ng Diyos at mula sa kanyang kapangyarihan; at walang sinumang nakapasok sa templo hanggang sa matapos ang pitong salot ng pitong anghel.

 

Kaya't ang isa sa mga kerubin na nakapaligid sa trono ng Diyos ang nagbigay sa pitong anghel na inatasan sa gawain ng pitong mangkok o sisidlan na may mga salot ng poot ng Diyos. Pagkatapos ay sinabihan silang pumunta at ibuhos ang mga mangkok sa lupa.

 

Sa panahon ng pagbubuhos ng Pitong Mangkok (mula sa v. 8) makikita ng sanlibutan na walang sinumang pahihintulutang makapasok sa Templo ng Diyos hangga't hindi natatapos ang Pitong Mangkok. Nililimitahan nito ang kakayahan ng sinumang tao na mabautismuhan at makapasok sa Templo ng Diyos pagkatapos dumating ang Mesiyas at harapin ang paghihimagsik ng Hukbo. Kung ang mga tao ng iglesia ay hindi nagsisi at hindi kasama sa Unang Pagkabuhay na Mag-uli hindi sila papayagang makapasok hangga't silang lahat ay hindi nararanasan ang lahat ng Pitong Mangkok ng Poot ng Diyos. Ganoon ito kaseryoso para sa lahat ng may kinalaman. Ang panlilinlang ng ministeryo ay magkakaroon ng malubhang kaparusahan para sa lahat ng sangkot.

 

Apocalipsis 16:1-2 At narinig ko ang isang malakas na tinig na mula sa templo, na nagsasabi sa pitong anghel, “Humayo kayo at ibuhos ninyo sa lupa ang pitong mangkok ng poot ng Diyos.” 2 Kaya't humayo ang una at ibinuhos ang kanyang mangkok sa lupa; at nagkaroon ng nakakapandiri at masamang sugat ang mga taong may tanda ng hayop, at ang mga sumamba sa larawan nito.

 

Ang mga tanda ng unang mangkok ay laban sa mga huwad na relihiyon sa mundo sa mga huling araw. Ito ang paghatol sa patutot at sa lahat ng sumunod sa sistema ng Babilonia o Baal sa buong mundo. Walang bansa ang magiging ligtas sa mangkok na ito o sa iba pa.  Ang bawat ministro at pari na hindi sumusunod sa mga Kautusan ng Diyos at sa Sagradong Kalendaryo at nagtuturo sa iba na huwag gawin ito ay mamamatay (tingnan din ang araling God’s Calendar (No. 156)). Bawat bansa ay inaatasang ipangilin ang mga Sabbath at mga Bagong Buwan at ang mga Kapistahan at sa mga kapistahan ng Tabernakulo ay dapat nilang ipadala ang kanilang mga kinatawan ng bansa sa Jerusalem sa ilalim ng Mesiyas upang tumanggap ng tagubilin.  Ang mga hindi susunod dito ay hindi makakatanggap ng ulan sa takdang panahon at daranasin nila ang mga salot ng Ehipto (Zac. 14:16-19).  Hindi ito negotiable at magpapatuloy ito sa susunod na 1100 taon hanggang sa Ikalawang Pagkabuhay na Mag-uli at ang Paghuhukom sa Dakilang Puting Trono at sa katapusan ng sangkatauhan at ng buhay ng tao gaya ng alam natin.

 

Ikalawa at Ikatlong Mangkok

Ang ikalawa at ikatlong mangkok ay tumutukoy sa kapasidad na mabuhay sa lupa man o sa dagat.

 

Apocalipsis 16:3-7 Ibinuhos naman ng ikalawa ang kanyang mangkok sa dagat at ito'y naging parang dugo ng isang taong patay; at bawat may buhay na nasa dagat ay namatay. 4 Ibinuhos ng ikatlo ang kanyang mangkok sa mga ilog at sa mga bukal ng tubig; at naging dugo ang mga ito. 5 At narinig ko ang anghel ng tubig na nagsasabi, “Matuwid ka, ikaw na siyang ngayon at ang nakaraan, O Banal, sapagkat hinatulan mo ang mga bagay na ito, 6 sapagkat pinadanak nila ang dugo ng mga banal at ng mga propeta, at pinainom mo sila ng dugo. Ito'y karapat-dapat sa kanila!” 7 At narinig ko ang dambana na nagsasabi, “Opo, Panginoong Diyos na Makapangyarihan sa lahat, tunay at matuwid ang iyong mga hatol!”

 

 

Habang hinahatulan nila ang mga lingkod ng Diyos na mga banal at mga propeta sila mismo ay hinahatulan.  Ang lahat ng mga taong nagsikap na sundin ang mga kautusan ng Diyos at ang mga Sabbath at ang Sagradong kalendaryo at pinatay dahil dito sa loob ng maraming siglo ay mabubuhay na mag-uli at uupo para hatulan ang mga bansang ito at mapipilitan silang sumunod sa mga kautusan ng Diyos. Papalitan nila ang mga demonyo na nagsisikap lipulin sila at sila’y uupo sa paghuhukom at pagtutuwid sa sangkatauhan upang muling turuan sila sa loob ng Milenyo at kasama nila ang mga demonyo sa Ikalawang Pagkabuhay na Mag-uli o Hardin ng Paraiso.

 

Tuluyang nasira ang mga katubigan at karagatan.

 

Ang Ikaapat na Mangkok

Ang susunod na mangkok ay may kinalaman sa mga sistemang pampulitika sa mundo at sa mga siyentipiko na gumamit ng natural na mga siklo ng planeta upang kontrolin ang istruktura at ipatupad ang pagbabago sa pulitika at social engineering sa pamamagitan ng mga maling turo ng global warming sa mga huling araw. Habang ang Global Warming ay itinuring at itinuro na kagagawan ng tao na taliwas sa mga makasaysayang katotohanan tungkol dito na may kaugnayan sa mga solar cycle ang mundo ay tinuturuan na ang Diyos ang nakikitungo sa tao at nagliligtas o nagpapagaling at nagpapakain sa kanila. Ang mga siyentipiko ay patuloy na sumasalungat sa direksyon ng Mesiyas at ng Hukbo at pinarurusahan sila sa kanilang ginawa sa lupa. Lahat ng mga huwad na siyentipiko at tiwaling politiko ay parurusahan at karamihan ay papatayin kung hindi sila magsisi

 

Apocalipsis 16:8-9 At ibinuhos ng ikaapat ang kanyang mangkok sa araw at pinahintulutan itong pasuin ng apoy ang mga tao. 9 At napaso ang mga tao sa matinding init, ngunit kanilang nilait ang pangalan ng Diyos na may kapangyarihan sa mga salot na ito; at hindi sila nagsisi upang siya'y luwalhatiin.

 

Sa halip na magsisi at magbigay ng kaluwalhatian sa Diyos ay hindi sila nagsisisi at  pinagdudusahan nila ang mga bagay na sana'y hindi na nila kailangang danasin.  Ang buong mundo ay sumasalungat kay Cristo at nagpapadala ng kanilang mga hukbo laban sa kanya at pagkatapos, kapag napilitan silang harapin ito sa kanilang sariling mga lupain, isinusumpa pa nila ang Diyos sa halip na magsisi (tingnan ang mga araling Global Warming and Biblical Prophecy (No. 218) at Global Warming – Historical Cycles (No. 218B)). Ang Siyensiya at Ebolusyon ay ang mga relihiyong hinaharap sa ilalim ng  mangkok na ito.

 

Ang Ikalimang Mangkok

Ang istrukturang pampulitika ng Hayop ay haharapin dito at ang administrasyon nito ay wawasakin kasama ng mga Satanista.

 

Apocalipsis 16:10-11 Ibinuhos naman ng ikalima ang kanyang mangkok sa trono ng halimaw, at nagdilim ang kanyang kaharian. Kinagat ng mga tao ang kanilang mga dila dahil sa hirap, 11 at nilait nila ang Diyos ng langit dahil sa kanilang mga hirap at sa kanilang mga sugat; at hindi sila nagsisi sa kanilang mga gawa.

 

Ang Hayop ay ang New World Order na nagtatag ng kanyang imperyo sa mga huling araw na ito at kinokontrol ng mga pulitiko at mga banker at mga tagapaglingkod ni Satanas na binigyan ng pamamahala sa mundo at sa International financial system nito kabilang ang IMF at World Bank at ang Sampung sistemang panrehiyon na sinasagisag ng Sampung Daliri ng mga Paa ng Bakal at Luwad.

 

Unang papatayin ni Cristo ang mga pinuno ng sistemang ito na nakabase sa Jerusalem sa kanyang pagbabalik at pagkatapos ay wawasakin ang International monetary system na nakabase sa Europa at UK at US at sa Japan at China at sa iba pang national unions na bahagi nito.

 

Ang buong sistema ng pananalapi ng mundo at ang mga bankers na nagsabwatan upang wasakin ang mga bansa ay mawawasak din at ang mga sistema ng pananalapi at mga sistemang pangkalakal ng mundo ay mawawasak. Ang pagkawasak ay magsisimula sa Europa at US. Ang mga computerised systems ng kuryente at pagpapa-init at pa-ilaw ay sisirain ng electromagnetic pulse kaya’t magdidilim.

 

Ang Ikaanim na Mangkok

Matapos na ang mga puwersa ng Hari ng Hilaga sa ilalim ng NATO ay mawasak sa Megido at harapin ni Cristo ang sistema ng pananalapi, ang Euphrates at ang mga sistema ng Arabo ay dinala sa pagpapasakop at pagkatapos ay ang mga Asyano ay nagmartsa laban kay Cristo sa Megido na daraan sa Iran at Iraq at sa pamamagitan ng Euphrates basin.

 

Bago ang pagsalakay na iyon, inihanda ng mga puwersang Sataniko ang paglaban sa Mesiyas sa pamamagitan ng masasamang espiritu ng mga puwersang Sataniko gamit ang sistema ng Hayop at ang kapangyarihan ni Satanas at ang sistemang panrelihiyon sa mga huling araw na batay sa mga kulto ng Araw na unang nakasentro sa Roma ngunit lumipat ito sa punong-himpilan ng Hari ng Hilaga sa Jerusalem sa loob ng 42 buwan.

 

Sa sandaling dumating si Cristo sa Bundok ng mga Olibo ay mahahati ito sa dalawa; kasabay nito ay dadakpin si Satanas at ikukulong sa hukay ng kailaliman ng Tartaros. Ang bulaang propeta ay papatayin din kasama ng Anticristo at pagkatapos ay sisimulan ni Cristo ang pagharap sa mga sistema ng daigdig una sa Europa at US at sa Amerika at pagkatapos ay sa buong mundo mula sa Russia hanggang China at Japan at Asia sa pangkalahatan. Lahat ng hukbo ng sanlibutan sa mga huling araw na ito ay magmamartsa laban kay Cristo at sa Hukbo sa Jerusalem at Megido at pagkatapos na malipol ang kanilang mga hukbo, ang mga tao mismo ay kailangang pasukuin at ihanda. Samakatuwid, ang mga mangkok na ito ay sunod-sunod at walang makaliligtas.

 

Apocalipsis 16:12-16 Ibinuhos ng ikaanim ang kanyang mangkok sa malaking ilog na Eufrates at natuyo ang tubig nito, upang ihanda ang daraanan ng mga haring mula sa sikatan ng araw. 13 At nakita kong lumabas sa bibig ng dragon at mula sa bibig ng halimaw at mula sa bibig ng bulaang propeta ang tatlong espiritung karumaldumal, na gaya ng mga palaka. 14 Sila'y mga espiritu ng mga demonyo na gumagawa ng mga tanda; pumupunta sa mga hari ng buong daigdig, upang tipunin sila sa digmaan ng dakilang araw ng Diyos na Makapangyarihan sa lahat. 15 (“Masdan ninyo, ako'y dumarating na gaya ng magnanakaw. Mapalad ang nananatiling gising at nakadamit, upang siya'y hindi lumakad na hubad at makita ang kanyang kahihiyan.”) 16 At sila'y tinipon nila sa lugar na sa Hebreo ay tinatawag na Armagedon.

 

Ang sanggunian na ito ay tumutukoy sa mga demonyong ipinadala bago ang pagdating ng Mesiyas bago pa man ang kanyang pagparito.

 

Wala ni isang hukbo o puwersa ang matitirang nakatayo.  Ang makakaligtas lamang ay ang mga nagpanatiling malinis ang kanilang kasuotan at nanatiling tapat sa mga Utos ng Diyos at sa Pananampalataya o patotoo kay Cristo (Apoc. 12:17; 14:12).

 

Ang Ikapitong Mangkok

Apocalipsis 16:17-21 Ibinuhos ng ikapitong anghel ang kanyang mangkok sa himpapawid at lumabas sa templo ang isang malakas na tinig, mula sa trono na nagsasabi, “Naganap na!” 18 At nagkaroon ng mga kidlat, mga tinig, mga kulog, at malakas na lindol, na hindi pa nangyari kailanman mula nang magkaroon ng tao sa lupa, isang napakalakas na lindol. 19 Ang dakilang lunsod ay nahati sa tatlo, at ang mga lunsod ng mga bansa ay bumagsak. Naalala ng Diyos ang dakilang Babilonia at binigyan niya ito ng kopa ng alak ng kabagsikan ng kanyang poot. 20 At tumakas ang bawat pulo at walang mga bundok na matagpuan. 21 At bumagsak sa mga tao ang ulan ng malalaking yelo na ang bigat ay halos isandaang libra buhat sa langit, at nilait ng mga tao ang Diyos dahil sa salot na ulan ng yelo, sapagkat ang salot na ito ay lubhang nakakatakot.

 

a yugtong ito na ang buong sistema ng mundo ay maaapektuhan ng mga epekto ng mga mangkok at ang pag-init ng mundo sa pamamagitan ng solar activity. Ang solar heat ay magpapainit dito, magtutunaw ng malaking bahagi ng yelo, at tatakpan ang mga isla sa mundo. Babaguhin ng mga mangkok ang istraktura ng lupa. Mula sa pagbabalik ng Mesiyas at sa pagkawala ng dila ng Red Sea at hanggang sa napakalakas lindol at sa Red Sea Rift at sa Africa ay may malaking pagbabago sa klima na gagamitin bilang parusa para sa mga bansa.  Ang malalaking yelo na isandaang libra ay napakalaki at magdudulot ng malawakang pagkawasak at pagbabago ng mga kondisyon ng pamumuhay sa planeta. Magpapatuloy ang pagbabagong ito hanggang sa milenyo. Kaunti na lang ang matitira sa sistema ng sanlibutang ito. Ang mga tsunami na magmumula sa mga lindol ay magdudulot ng dagdag na pinsala.

 

Ang Paghuhukom sa Patutot sa pamamagitan ng mga Mangkok ng Poot ng Diyos

Ang paliwanag sa pagkawasak ng panrelihiyong patutot ng Babilonia ay nasa susunod na dalawang kabanata.  Isang bagay na dapat malinaw na maunawaan ay walang magiging negosasyon at walang gawain sa mga huwad na sistemang panrelihiyon na ito ang makakaligtas sa kaparusahan.  Ang mga kulto ng Araw at ang kanilang mga araw ng pagsamba maliban sa mga Sabbath at mga Bagong Buwan at mga Kapistahan ng Diyos ay lilipulin.  Walang anumang sistema ng pagsamba na hindi sinasang-ayunan o pinahintulutan ng Bibliya, kabilang na ang malaking heresiya ni Hillel II at apostatang Judaismo, ang papayagang mabuhay. Wala sa kanilang mga pari ng sistemang Baal ang papayagang mabuhay at kabilang dito ang lahat ng mga paring nakaitim na sutana na sumasamba tuwing Linggo o Biyernes sa mga mosque o maging sa mga Sabbath sa Judaismo. Hindi sila papayagang mabuhay. Lahat sila ay magsisisi o mamamatay, at kasama na rito ang mga Iglesia ng Diyos.  Wala isa man sa mga mapagmatuwid sa sarili na sumasamba tuwing Linggo na mga Trinitarian Baptist, Episcopalian, Anglican, Orthodox o mga paring Romano Katoliko ng mga sistemang Amerikano o Europeo ang papayagang mabuhay nang walang pagsisisi. Balewala gaano man karami ang kanilang pangangaral laban sa Mesiyas at sa sistema ng Templo na itatatag mula sa Jerusalem.  Sila ay magsisisi o mamamatay.  Hindi maaaring masira ang kasulatan (Jn. 10:34-36). Ang buong sistemang panrelihiyon sa US at Hilagang Amerika na nakabatay sa kanilang kalendaryong sibil ng mga pista ng mga kulto ng Araw ay wawasakin tulad ng sa Europa, Gitnang Silangan, Asya at Timog Amerika. Makikipagdigma silang lahat sa Cordero at magmamartsa laban sa Kanya sa ilalim ng mga Mangkok ng Poot ng Diyos.  Gayundin ang patutot at lahat ng kanyang mga tagasunod sa lahat ng mga kulto ng Araw at Misteryo ay wawasakin pati na rin ang bawat gusali at estatwa o icon at obelisk o edipisyo na kanilang itinayo. Mawawasak silang lahat bago magsimula ang sistemang milenyal. Walang anumang bahagi ng idolatriyang ito ang papasok dito o gagamitin sa pagtatayo dito.

 

Apocalipsis 17:1-15 At dumating ang isa sa pitong anghel na may pitong mangkok at nagsalita sa akin na nagsasabi, “Halika. Ipapakita ko sa iyo ang hatol sa tanyag na mahalay na babae na nakaupo sa ibabaw ng maraming tubig; 2 na sa kanya'y nakiapid ang mga hari sa lupa, at ang mga naninirahan sa lupa ay nalasing sa alak ng kanyang pakikiapid. 3 At ako'y kanyang dinalang nasa Espiritu sa isang ilang at nakita ko ang isang babae na nakasakay sa isang halimaw na pula, na punô ng mga pangalan ng kalapastanganan na may pitong ulo at sampung sungay. 4 Ang babae ay nakadamit ng kulay-ube at ng matingkad na pula, nagagayakan ng ginto at ng mahahalagang bato at mga perlas, at hawak sa kanyang kamay ang isang kopang ginto na punô ng mga karumaldumal at mga bagay na marurumi ng kanyang pakikiapid, 5 at sa kanyang noo ay nakasulat ang isang pangalan, ang isang hiwaga: “dakilang Babilonia, ina ng mga mahalay na babae at ng mga karumaldumal sa lupa.” 6 At nakita ko ang babae na lasing sa dugo ng mga banal, at sa dugo ng mga martir ni Jesus. Nang makita ko siya, ako ay lubhang nanggilalas. 7 Ngunit sinabi sa akin ng anghel, “Bakit ka nanggilalas? Sasabihin ko sa iyo ang hiwaga ng babae, at ng sinasakyan niyang halimaw na may pitong ulo at sampung sungay. 8 Ang halimaw na nakita mo ay buháy noon at ngayo'y wala na, at malapit nang umahon mula sa di-matarok na kalaliman at patungo sa kapahamakan. At silang mga naninirahan sa lupa, na ang kanilang pangalan ay hindi nakasulat sa aklat ng buhay mula nang itatag ang sanlibutan, ay manggigilalas kapag nakita nila ang halimaw, sapagkat buháy noon ngunit ngayo'y wala na at darating pa. 9 “Kailangan dito ang pag-iisip na may karunungan: ang pitong ulo ay pitong bundok na kinauupuan ng babae; sila rin ay pitong hari, 10 ang lima sa kanila ay bumagsak, ang isa'y nananatili pa, ang isa ay hindi pa dumarating at pagdating niya, kailangang magpatuloy siya nang sandaling panahon. 11 At ang halimaw na buháy noon at ngayo'y wala na, ay siya ring ikawalo ngunit kabilang sa pito at siya'y patungo sa kapahamakan. 12 At ang sampung sungay na iyong nakita ay sampung hari, na hindi pa tumatanggap ng kaharian; subalit sila'y tatanggap ng kapangyarihan bilang mga hari sa loob ng isang oras, kasama ng halimaw. 13 Ang mga ito ay may isang pag-iisip at ibinibigay nila ang kanilang kapangyarihan at kapamahalaan sa halimaw. 14 Makikipagdigma ang mga ito laban sa Kordero at sila'y dadaigin ng Kordero, sapagkat siya'y Panginoon ng mga panginoon at Hari ng mga hari, at ang mga kasama niya ay mga tinawag, mga hinirang at tapat.” 15 At sinabi niya sa akin, “Ang tubig na iyong nakita, na kinauupuan ng mahalay na babae ay mga bayan, napakaraming tao, mga bansa, at mga wika.

 

Ang patutot na ito ay haharapin ng Hayop sa mga huling araw at siya ay wawasakin ng Hayop mismo sa ilalim ng huling imperyo na ito ng Sampung Rehiyong Pang-Ekonomiya ng NWO ng Hayop.

 

Apocalipsis 17:16-18 At ang sampung sungay na iyong nakita, sila at ang halimaw ay mapopoot sa mahalay na babae; siya'y pababayaan at huhubaran nila, lalamunin ang kanyang laman at siya'y lubos na susunugin sa apoy. 17 Sapagkat inilagay ng Diyos sa kanilang mga puso na gawin ang kanyang layunin at magkaisa ng pag-iisip at ibigay ang kanilang paghahari sa halimaw, hanggang sa maganap ang mga salita ng Diyos. 18 Ang babae na iyong nakita ay ang dakilang lunsod na naghahari sa mga hari sa lupa.”

 

Ito ay ang Roma noon at ngayon na sentro ng mga huling imperyo ng sistemang Babilonia at matapos na mawasak ang luklukan ng kapangyarihan nito at lumipat ito sa Jerusalem ito mismo ay wawasakin ng Hayop at pagkatapos ang huwad na sistemang itinayo sa Jerusalem ay wawasakin ng Mesiyas sa ilalim ng utos ng Diyos na humahatol sa kanya. Pagkatapos ang buong mundo ay dadalhin sa pagpapasakop sa ilalim ng Mesiyas sa pamamagitan ng kapighatian ng mga Mangkok ng Poot ng Diyos at ang buong mundo ay dadalhin sa pagpapasakop sa Diyos sa ilalim ng pamamahala ni Cristo mula sa Jerusalem.

 

Apocalipsis 18:1-24 Pagkatapos ng mga bagay na ito ay nakita ko ang isa pang anghel na nananaog mula sa langit, na may dakilang kapangyarihan; at ang lupa ay naliwanagan ng kanyang kaluwalhatian. 2 At siya'y sumigaw nang may malakas na tinig na nagsasabi, “Bumagsak, bumagsak ang dakilang Babilonia! Ito'y naging tirahan ng mga demonyo, pugad ng bawat espiritung karumaldumal, at pugad ng bawat karumaldumal at kasuklamsuklam na mga ibon; 3 sapagkat lahat ng mga bansa ay uminom ng alak ng galit ng kanyang pakikiapid, at ang mga hari sa lupa ay nakiapid sa kanya, at ang mga mangangalakal sa lupa ay yumaman dahil sa kapangyarihan ng kanyang kalayawan.” 4 At narinig ko ang isa pang tinig na mula sa langit na nagsasabi, “Magsilabas kayo sa kanya, bayan ko, upang huwag kayong madamay sa kanyang mga kasalanan, at huwag kayong makabahagi sa kanyang mga salot; 5 sapagkat ang kanyang mga kasalanan ay nagkapatung-patong na umaabot hanggang sa langit, at natatandaan ng Diyos ang kanyang mga kasalanan. 6 Ibigay din ninyo ang ayon sa ibinigay niya sa inyo, at bayaran ninyo ng makalawang ulit ang kanyang mga gawa; sa kopang kanyang pinaghaluan ay inyong ipaghalo siya ng makalawang ulit. 7 Kung gaano siya nagmalaki at namuhay sa kalayawan, ay gayundin ang ibigay ninyo sa kanyang pahirap at pagluluksa.

Sapagkat sinasabi niya sa kanyang puso, ‘Ako'y nakaupong isang reyna. Hindi ako balo at hindi ko makikita kailanman ang pagluluksa.’ 8 Kaya't sa loob ng isang araw ay darating ang mga salot sa kanya, kamatayan, pagluluksa at gutom; at siya'y lubos na susunugin sa apoy; sapagkat makapangyarihan ang Panginoong Diyos na humatol sa kanya.” 9 At ang mga hari sa lupa na nakiapid at namuhay sa kalayawan na kasama niya, ay iiyakan at tatangisan siya kapag nakita nila ang usok ng pagsusunog sa kanya. 10 Sila'y tatayo sa malayo dahil sa takot sa pahirap sa kanya, na nagsasabi, “Kahabag-habag, kahabag-habag ang dakilang lunsod, ikaw na makapangyarihang lunsod ng Babilonia! Sapagkat sa isang oras ay dumating ang hatol sa iyo.” 11 Ang mga mangangalakal sa lupa ay tumatangis at nagluluksa dahil sa kanya, sapagkat wala nang bibili pa ng kanilang kalakal; 12 kalakal na ginto at pilak, mahalagang bato at mga perlas, pinong lino, kulay-ube, sutla at pula; ng sari-saring mababangong kahoy, at bawat kasangkapang garing, bawat kasangkapang mahalagang kahoy, tanso, bakal, marmol, 13 kanela, pampalasa, kamanyang, mira at insenso; alak at langis, at mainam na harina at trigo, mga baka at mga tupa, mga kabayo at mga karwahe, at mga alipin; at ng mga kaluluwa ng mga tao. 14 “Ang mga bungang ninanais ng kaluluwa mo ay wala na sa iyo, at lahat ng mga bagay na mararangya at mariringal ay nalipol sa iyo, at hindi na kailanman matatagpuan pang muli!” 15 Ang mga mangangalakal ng mga bagay na ito na tumatangis at tumataghoy, na yumaman dahil sa kanya, ay tatayo sa malayo dahil sa takot sa pahirap sa kanya, 16 na nagsasabi, “Kahabag-habag, kahabag-habag ang dakilang lunsod, siyang nagsusuot ng pinong lino at ng kulay-ube, at pula, at napapalamutian ng ginto, mahahalagang bato at perlas! 17 Sapagkat sa loob ng isang oras ay nalipol ang ganito kalaking kayamanan!” At ang bawat pinuno ng barko, ang bawat naglalayag saan mang dako, ang mga mandaragat, at lahat ng naghahanap-buhay sa dagat, ay nakatayo sa malayo, 18 at nagsisisigaw pagkakita sa usok ng pagsusunog sa kanya, na nagsasabi, “Anong lunsod ang katulad ng dakilang lunsod?” 19 At sila'y nagbubuhos ng alabok sa kanilang mga ulo at nagsisigawan, na nag-iiyakan at nananaghoy, na nagsasabi, “Kahabag-habag, kahabag-habag ang dakilang lunsod, na siyang nagpapayaman sa lahat na may mga barko sa dagat, dahil sa kanyang mga kayamanan! Sapagkat sa loob ng isang oras siya ay nawasak! 20 Magalak ka tungkol sa kanya, O langit, at kayong mga banal at mga apostol, at mga propeta; sapagkat iginawad na ng Diyos para sa inyo ang hatol sa kanya!” 21 Pagkatapos ay dinampot ng isang malakas na anghel ang isang bato, na gaya ng isang malaking gilingang bato, at inihagis sa dagat na sinasabi, “Sa ganitong karahasan ibabagsak ang dakilang Babilonia, at hindi na matatagpuan pa. 22 At ang tunog ng mga manunugtog ng alpa at ng mga musikero at ng mga manunugtog ng plauta, at ng mga manunugtog ng trumpeta ay hindi na maririnig pa sa iyo; at wala nang manggagawa ng anumang gawa ang matatagpuan pa sa iyo; at ang ingay ng gilingan ay hindi na maririnig pa sa iyo; 23 at ang liwanag ng ilawan ay hindi na tatanglaw pa sa iyo at ang tinig ng lalaking ikakasal at ng babaing ikakasal ay hindi na maririnig pa sa iyo; sapagkat ang mga mangangalakal mo ay dating mga pangunahin sa lupa; sapagkat dinaya ng iyong pangkukulam ang lahat ng mga bansa. 24 At natagpuan sa kanya ang dugo ng mga propeta at ng mga banal, at ng lahat ng mga pinatay sa lupa.”

 

Kaya wawasakin ang lungsod na ito, kasama ang mga lungsod na nakasama nito sa pamumuno, at ang buong sistema ng pananalapi ng mundo na pinamumunuan ng Hayop na ito. Ang Hayop na ito na pumuksa sa patutot na ito ay nawasak at pagkatapos sa pamamagitan ng walang habas na paghihimagsik nito ay inilalagay ang buong mundo sa ilalim ng paghihiganti ng Diyos. Lubhang kaduda-duda kung mananatili ang sistemang pampulitika ng Amerika sa mga huling araw na ito, dahil ang sistema nito ay nagkakawatak-watak at ang mga grupong panlipunan ay muling bumubuo ng mga armadong grupo, at malamang na magkaroon ng rebelyon. Mapupuno ang Kanluran ng mga internment camp para sa mga Islamist na ikukulong.

 

Bahagi III

 

Seksyon 4

 

Ang Pagpapanumbalik

Kaligtasan at Pagpapanumbalik ng Sanlibutan sa ilalim ng Iglesia ng Diyos

Sa panahong ito ang Iglesia ng Diyos ay ililigtas at ang mga banal ay bubuhayin na mag-uli at ang lahat ng hindi sumamba sa Hayop o tumanggap ng tanda nito ay ililigtas at ang mga lipi ay ipapanumbalik at dadalhin sa kanilang mga lugar ng pamana (Isa. 65:17-25). Pagkatapos nito, ituturo sa buong mundo ang mga kautusan ng Diyos at ang pananampalatayang ibinigay noon sa mga banal.

 

Apocalipsis 19:1-3 Pagkatapos ng mga bagay na ito ay narinig ko ang gaya ng isang malakas na tinig ng napakaraming tao sa langit, na nagsasabi, “Aleluia! Ang kaligtasan, at kaluwalhatian, at kapangyarihan ay nauukol sa ating Diyos. 2 Sapagkat tunay at matuwid ang kanyang mga paghatol; hinatulan niya ang tanyag na mahalay na babae na nagpasama sa daigdig sa pamamagitan ng kanyang pakikiapid, at ipinaghiganti ng Diyos ang dugo ng kanyang mga alipin laban sa babae.” 3 At sa ikalawang pagkakataon ay kanilang sinabi, “Aleluia! At ang usok ng babae ay pumailanglang magpakailanpaman.”            

 

Kaya't ang mga hindi tumutupad sa mga Kautusan ng Diyos at sumusunod sa Kanya ay mapipilitang sumunod sa pamamagitan ng mga mangkok ng poot ng Diyos at ang mga hindi magsisisi ay mamamatay at haharapin sa Ikalawang Pagkabuhay na Mag-uli ng mga Patay (tingnan ang araling Ang Ikalawang Pagkabuhay na Mag-uli at ang Paghuhukom sa Dakilang Puting Trono [143B]).        

 

Ang Pagpapanumbalik ay Nagsimula na

Sa taong 2025 ang Tatlong Beses na Pag-aani ay magaganap para sa deklarasyon ng taon ng Jubileo mula sa Pagbabayad-sala 2026 hanggang Pagbabayad-sala 2027 kung kailan ang lahat ng mga bansa at lupain ay ipapanumbalik.

 

Tingnan ang mga panghuling digmaan ng wakas hanggang 2028.

http://www.ccg.org/armageddon.html

 

Hindi na muling darating ang mga taon na daranas ng gutom ang mga lingkod ng Diyos sa ilalim ng Mesiyas maliban na lamang kung sadyain nilang sumuway sa Diyos.  Wala nang bansang daranas ng kakapusan maliban kung hindi nila naipadala ang kanilang mga tagapaglingkod sa Jerusalem tuwing Tabernakulo at nabigong ipangilin ang mga Sabbath, mga Bagong Buwan at mga Kapistahan at mga Banal na Araw ng Diyos. Ang Islam ng Diyos ang magiging tanging tunay na pananampalataya ng Nag-iisang Tunay na Diyos at ang mga huwad na sistema ng Hadithic Islam at huwad na Cristianismo at lahat ng huwad na relihiyon ay wawakasan.

 

Magsisimula ang sistema sa Jerusalem sa pagpapagaling ng mga bansa at ang muling paglago ng buhay sa dagat mula sa mga ilog ng Jerusalem mula sa ilalim ng Bundok ng Templo at ng lungsod at ng mga punong nakatanim sa tabi ng mga ilog.

 

Ang Taon ng Sabbath ng 2026 ay makikita na ang mga Bansa ay muling organisahin kung ang taon ng Jubilee ay magsisimula sa Pagbabayad-sala 2026 at magpapatuloy sa Pagbabayad-sala 2027.

 

Mula sa Tabernakulo 2027, ang mga Kautusan ng Diyos ay ipatutupad upang italaga ang mana ng mga bansa ayon sa mga lipi at bansa sa ilalim ng pangangasiwa ng mga hinirang kapwa ng espirituwal na hukbo at ng makalupang pagkasaserdote. Ito ang tunay na simula ng Pagpapanumbalik ng Templo ni Ezekiel at pinatatakbo at kinokontrol sa ilalim ng pagkasaserdote ni Melquisedec sa Jerusalem at sa buong mundo.

 

Pagkatapos ng Kapistahan ng mga Tabernakulo 2027 ay magsisimula ang paghahanda para sa Milenyong Pag-aani sa Paskuwa 2028 (tingnan Ang Ginintuang Jubileo at ang Milenyo [300]).

 

Ang natitirang buhay sa mundo ay tutuparin ang mga Kautusan ng Diyos sa susunod na isang libong taon o dalawampung Jubileo. Sa katapusan ng isang libong taon ng kanyang pagkakakulong ay pakakawalan muli si Satanas at ang huling digmaan ng wakas ay magaganap.   Iyon ay magaganap sa loob ng maikling panahon mula 3023-3024 bago ang Tatlong beses na Pag-aani ng 3025 at ang mga taon ng Sabbath at Jubileo ng 3026 at 3027.

 

Sa 3027 ang Ikalawang Pagkabuhay na Mag-uli ng mga Patay ay magaganap at ang sanlibutan ay bubuhayin sa Ikalawang Pagkabuhay na Mag-uli ng mga Patay at Ang Paghuhukom sa Dakilang Puting Trono [143B]. Ang isang daang taon ng Ikalawang Pagkabuhay na Mag-uli ng mga Patay ay magaganap mula 3028 hanggang 3127.                      

 

Sa 3127 ang buong paghuhukom ay matatapos na at yaong mga tumangging magsisi ay pahihintulutang mamatay at ang kanilang mga katawan ay susunugin sa Lawa ng Apoy.

 

Ang lahat ng mga nagtagumpay at napatunayang katanggap-tanggap sa paningin ng Diyos ay babaguhin upang maging mga espiritung nilalang at sasama sa Hukbo ng Langit bilang Lungsod ng Diyos [180].

 

Pagkatapos ay darating ang Diyos sa lupa kasama ang makalangit na Jerusalem, ang ina nating lahat, at mamamahala tayo sa sansinukob. Ang ating mga magiging tungkulin ay maaari lamang hulaan sapagkat malabo tayong nakakikita sa isang salamin habang tayo ay nasa anyong tao.

 

Lilipat na tayo ngayon sa Bahagi IIIB: Wars of the End Part IIIB: The War Against Christ (No. 141E_2).

 

Tingnan ang sumusunod para sa karagdagang pag-aaral:

Komentaryo sa Daniel : Panimula [F027]

Komentaryo sa Daniel Kabanata 1 [F027i]

Komentaryo sa Daniel Kabanata 2 [F027ii]

Komentaryo sa Daniel Kabanata 3 [F027iii]

Komentaryo sa Daniel Kabanata 4 [F027iv]

Komentaryo sa Daniel Kabanata 5 [F027v]

Komentaryo sa Daniel Kabanata 6 [F027vi]

Komentaryo sa Daniel Kabanata 7 [F027vii]

Komentaryo sa Daniel Kabanata 8 [F027viii]

Komentaryo sa Daniel Kabanata 9 [F027ix]

Komentaryo sa Daniel Kabanata 10 [F027x]

Komentaryo sa Daniel Kabanata 11 [F027xi]

Komentaryo sa Daniel Kabanata 12 [F027xii]

Komentaryo sa Daniel Epilogue [F027xiii]

 

q