Christian
Churches of God
No. 141C_4D
Panahon ng
Wakas
(Edition 1.0 20250218-20250218)
Tinukoy
ng propetang si Daniel kung ano ang mangyayari sa panahon ng wakas at sinundan
niya ito ng pagkakasunod-sunod ng mga panghuling kaganapan.
Pakitingnan din ang ating Rumble
video na may kaugnayan sa artikulong ito - Time of the end & Special New Moon Study (28/02/2025).
Christian Churches of God
E-mail: secretary@ccg.org
(Copyright © 2025
Wade Cox)
This paper may be freely copied and
distributed provided it is copied in total with no alterations or deletions.
The publisher’s name and address and the copyright notice must be
included. No charge may be levied on
recipients of distributed copies. Brief
quotations may be embodied in critical articles and reviews without breaching
copyright.
This paper is available from the World Wide Web page:
http://www.logon.org and http://www.ccg.org
Panahon ng
Wakas
Ang Panahon ng Wakas ay ang huling yugto ng Panahon ng
Kabagabagan ng Jacob at ang pagkakasunud-sunod na nagsisimula sa huling halos
apat na taon ng yugto na humahantong sa pagdating ng Mesiyas na tinatawag ding
Cristo sa Cristianismo.
Ang Panahon ng Paglalang ay inilatag sa pagkakasunud-sunod
sa Bibliya mula sa paglikha kina Adan at Eva noong 4004 BCE at sa Pagsasara ng
Eden noong 3974 BCE nang si Adan ay tatlumpung taong gulang at maaari nang
sumailalim sa Paghuhukom. Si Satanas ay matagal nang namumuno sa planeta sa
loob ng mahabang panahon bago pa man at nag-eksperimento sa paglikha ng
maraming uri ng buhay. Ang paglikha ng Adamic mankind ng mga elohim ay ang
panghuli at pangwakas na pagkakasunod-sunod na magreresulta sa isang pinalawig
na elohim at sa kanilang pamamahala sa sansinukob mula sa lupa. Sa huling
yugtong ito si Satanas ay binigyan ng pamamahala sa sangkatauhan sa ibabaw ng
planeta at iyon ay itinala bilang Anim na Araw ng Paggawa ng Sanglinggo ng
Paglalang. Iyon ay 6,000 taon ng anim na milenyo ng Aeon na ito, o anim na
libong taon o 120 jubileo mula 3974 BCE hanggang 2027/8 ng pagtatapos ng
Kapanahunang ito at ang Simula ng Ikapito o Milenyal na Jubileo ng Mesiyas mula
2028 – 3027 at ang Ikalawang Pagkabuhay na Mag-uli ng mga Patay at ang
Paghuhukom sa Dakilang Puting Trono [143B] sa 3028-3127. Ang
saklaw ng panahon ay isinasaad sa Outline TimeTable of the
Age (No. 272).
Ang pagkakasunud-sunod sa pamumuno ni Satanas sa loob ng
yugto ng paggawa ng Paglalang sa ilalim ni Satanas ay nahahati sa tatlong yugto
na sakop ng mga araling Rule of the Kings (Nos. 282A, 282B at 282C).
Tayo ay nasa huling Yugto ng katapusan ng Kapanahunang ito at nagsimula
na ang Panahon ng Wakas. Malapit na tayong pumasok sa huling paglipat ng
kapangyarihan mula sa Pamamahala ni Satanas tungo sa Pamamahala ng Mesiyas at
sa Milenyong Paghahari ng Mesiyas at sa Paghuhukom sa Dakilang Puting Trono. Ang
yugtong ito ay sumasaklaw ng 1100 taon (o 100 Solar cycle). Ang Pamamahala ni
Satanas at ang mga huwad na sistema ng relihiyon sa Kapanahunang ito, o Aeon,
ay malapit nang lubusang wasakin at lahat ng huwad na relihiyon ay wawasakin
para sa Milenyong Pamumuno ng Mesiyas (tingnan ang End of False Religion (No. 141E). Tanging ang Biblikal na istruktura
at ang Kautusan at ang Patotoo at ang Kalendaryo ng Templo ang papayagang
umiral sa panahong iyon, o sa darating na Kapanahunan, sa ilalim ng Mesiyas.
Inihula ng Diyos ang huling yugto sa pamamagitan ng mga
propeta at kapwa kina Daniel at Ezekiel. Ang panahon ng pangwakas na yugto at
ang mga digmaan ng wakas ay inihula sa pagkakasunud-sunod sa Daniel sa loob ng
Pitong panahon o 2520 taon mula sa Battle of Carchemish hanggang sa pagsisimula
ng Panahon ng Kabagabagan ng Jacob sa mga digmaan mula 1916 sa Somme. Ang mga
propesiya ng mga Imperyo ng Hayop ng Babilonia ay inihula sa mga kabanata ng
Daniel mula sa Kab. 2 hanggang Kab. 12 kasama ang huling yugto ng mga pangwakas
na digmaan tungo sa sistemang Milenyal. Ang pagkakasunod-sunod ay ipinaliwanag
din sa mga teksto at mga charts ng Daniel Kab. 1 hanggang 12 ([F027] hanggang sa F027xii at F027xiii).
Ang Pagkakasunod-sunod ay ipinaliwanag din sa Ezekiel sa
Propesiya ng Nabaling mga Bisig ng Faraon (No. 036) at sa Bahagi II: ang mga Digmaan ng Wakas (No. 036_2).
Ipinakikita ng seksyong ito ang hating gampanin ng dalawang
tig-apatnapung taong yugto mula 605 BCE nang talunin ni Nabucodonosor si Necho
at ang Ehipto sa Carchemish nang pumunta sila roon bilang suporta sa mga taga-Asiria,
noong 525 BCE nang sinalakay ni Cambyses ang Ehipto bilang pagkumpleto ng unang
yugto ng propesiya. Kaakibat ng mga propesiya ng Pitong panahon sa Daniel, ito ay magdadala sa atin sa 1916 at
pagkatapos ay sa katapusan ng Panahon ng mga Bansa (o mga Gentil) noong 1996/7
at sa pagsisimula ng huling Tatlumpung Taon mula 1997 hanggang sa katapusan ng
Kapanahunan sa 2027/8 at sa pagkakasunud-sunod patungo sa pagdating ng Mesiyas
sa 2028. Ang pangwakas na pagkakasunod-sunod na ito ay sumasagisag din sa
tatlong tatlumpung-araw na yugto bago ang pagpasok sa Lupang Pangako, kasama
ang Pagluluksa para kay Miriam mula 1937 hanggang 1967, kasabay ng Digmaan at
ng Holocaust sa loob ng 1260 araw mula 1941-1945. Ang susunod na yugto ay ang
pagluluksa para kay Aaron mula 1967 hanggang 1997 nang mabawi ng Juda ang
Bundok ng Templo ngunit hindi nagawang itayo muli ang Templo dahil sa mga
kalagayang kinasadlakan nila at kabilang ang Hillel at iba pang mga heresiya.
Ang huling yugto ay ang Pagluluksa para kay Moises mula 1997 hanggang 2027 nang
harapin nila ang pag-aalis ng Kautusan ng Diyos sa ilalim ng huling yugto ng
Imperyo ng Hayop (tingnan ang [No. 219]; 299A). Makikita nating ito ay magaganap
ngayon.
Ang sistema sa huling
yugtong ito ay makakakita ng katuparan ng propesiya gaya ng inihula sa Daniel
kabanata 11:40-45.
Dan 11:40-45
“Sa panahon ng wakas ay sasalakayin siya ng hari ng timog, ngunit ang hari ng
hilaga ay pupunta laban sa kanya na gaya ng isang ipu-ipo, may mga karwahe, mga
mangangabayo, at may maraming mga barko. At siya'y sasalakay laban sa mga bansa
at lalampas na gaya ng baha. 41 Siya'y papasok sa maluwalhating lupain
at marami ang mabubuwal ngunit maliligtas sa kanyang kapangyarihan ang Edom,
Moab, at ang pangunahing bahagi ng mga anak ni Ammon. 42 At kanyang
iuunat ang kanyang kamay laban sa mga bansa; at ang lupain ng Ehipto ay hindi
makakatakas. 43 Siya'y magiging pinuno ng mga kayamanang ginto at
pilak, at ng mahahalagang bagay ng Ehipto; at ang mga taga-Libya at ang mga
taga-Etiopia ay susunod sa kanyang mga hakbang. 44 Ngunit ang mga
balita mula sa silangan at sa hilaga ay babagabag sa kanya; at siya'y lalabas
na may malaking galit upang pumuksa at lumipol ng marami. 45 Kanyang
itatayo ang mga tolda ng kanyang palasyo sa pagitan ng dagat at ng
maluwalhating banal na bundok. Gayunma'y darating siya sa kanyang wakas, at
walang tutulong sa kanya.
Tunay na ito nga ang Panahon ng Wakas at ang
pagkakasunud-sunod na ito ay nagpapatuloy upang makita ang pagdating ng
dakilang Sar ng Hukbo na si Miguel na nagsasakatuparan ng pangwakas na
pagkakasunud-sunod ng Daniel Kab. 12 (tingnan 1335 Araw ng Daniel Kab. 12 [141C_4C] Tingnan din ang video sa
https://rumble.com/v5xuaf2-1335-days-of-daniel-ch.-12-no.-141c-4c.html?e9s=src_v1_ucp.
Ang panahong ito ay sumasaklaw sa Imperyo ng Hayop na
sumasaklaw sa 42 buwan ng Apoc. 11:1-2 at ng 1260 araw ng Apoc. 11:3ff. At
pagkatapos ay ang tatlumpung araw sa ilalim ng Mesiyas hanggang sa 1290 araw at
pagkatapos ay ang 45 araw sa huling pagpapanumbalik ng Pananampalataya at ang
Ikalawang Exodo ng Isa. Kab. 65-66.
Ang Hari ng Timog na, tulad ng ipinaliwanag natin sa Mga
Mensahe ng Sabbath, ay lumitaw sa panahon ng Muslim Spring. Ito ay kung sinuman
ang kumokontrol sa Ehipto tulad ng ipinaliwanag sa Fall of Egypt Part II:
Wars of the End (No. 036_2). Mula 1956, ito ay ang mga Islamist
Forces kasama ang isang malayang Ehipto matapos ang krisis sa Suez. Sa parehong
taon, ang Treaty of Rome ay bumuo ng 10 Rehiyong Pang-ekonomiya ng mga Huling
Araw sa Imperyo ng Hayop ng Sampung Daliri ng Paa ng Daniel kabanata 2. Ang
imperyong iyon ay ang huling sistema na wawasakin ng Mesiyas sa kanyang
pagdating. Mula sa Arab spring sa Hilagang Aprika noong 2013 hanggang sa
kasalukuyang petsa, ang pseudo-Islamist forces ay binaha ang EU at UK at US at
AU ng mga Muslim forces na nasa edad na para makipaglaban at karamihan ay mga
binatang lalaki. Sinasalakay at pinapahina nila ang mga sistemang pangkultura
ng mga Kanluraning demokrasya at naghihintay ng utos na makisali sa direktang
labanan. Ang kanilang asal ay umabot na sa puntong sawang-sawa na ang Kanluran,
kaya't lumilihis na ito patungo sa kanan sa kanilang mga pampulitikang
paninindigan palayo sa mga Marxist Globalist na lumumpo sa kanilang mga
sistemang pampulitika at nagpahina sa kanilang kakayahang panlipunan. Ang
reaksyon at paglipat sa kanan ay darating, sa pinakamatindi, sa loob lamang ng
ilang buwan. Malapit nang salakayin ng
NATO ang Gitnang Silangan.
Mula sa kanyang inagurasyon noong ika-20 ng Enero 2025, ang
sistema ay nakatanggap ng babala mula sa tunay na pinuno ng Hari ng Hilaga, si
Donald Trump, bilang pinuno ng USA at sa katunayan ng NATO, nang makipag-usap
siya sa mga hari ng Timog o sa mga Islamista ng Arab Nations. Binalaan niya
sila doon na responsibilidad nilang labanan ang terorismo. Hindi sila gaanong
natuwa dahil alam nilang seryoso siya at sa parehong linggo ay iniutos niya ang
pag-atake sa mga Somali Islamic Terrorists. Naisagawa iyon mula noong ika-1 ng
Peb. 2025. Sinuri niya ang posisyon ng NATO, at hindi na nila kukunsintihin ang
mga Islamic forces sa EU at UK at US at Kanluran at malapit na silang supilin
at ilagay sa mga Kampo, tulad ng ginawa sa mga kaaway noong WWII, at ipatapon
palabas ng Kanluran. Pag-aralan ang Komentaryo sa Ester Bahagi I at Bahagi II
sa F017 at F017ii at gayundin ang Purim sa mga huling
Araw (F017iii). Ang simula ng Purim sa Adar ay ika-10 ng Pebrero 2025 na
siyang ika-13 araw ng Kalendaryo ng Templo. Dahil mayroong We Adar, mayroong
halos isang buwan at dalawang araw mula ika-10 ng Pebrero hanggang ika-15 araw
ng We Adar sa ika-14 ng Marso 2025. Nagbigay si Trump ng deadline sa Hamas na
ang lahat ng mga hostage ay dapat ibalik bago mag-12:00 ng Sabado, ika-15 ng
Pebrero 2025. Sinabi niya na ang mga natitirang mga hostage ay malamang na
patay na. Ang Bagong Taon ng ika-48 taon o 2025/6 ay sa ika-29 ng Marso 2025.
Kapansin-pansin na ang Sabbath ng ika-8 ng Abib 48/120 sa panahon ng pagpapabanal,
o ika-5 ng Abril 2025 ay eksaktong 1264 na araw mula sa Bagong Buwan ng mga
Pakakak, ika-1 ng Tishri 2028 o 01/07/01/121 (Unawain ng mambabasa).
Ang mga pawn ng mga Islamista ay patuloy na magpapalala ng
sitwasyon upang ang Silangan ay mapilitan na tumugon sa pamamagitan ng NATO
force deployments. Ang mga digmaang pang-ekonomiya ng sistema ay malapit nang
simulan sa pamamagitan ng 100% taripa sa sistema ng BRICS. Ang mga hidwaan ay
lalala. Pakikilusin ng Iran ang mga pawn nito na Hamas, Hezbollah at Houtis, at
sa Syria kung saan maaari. Simula sa
ika-10 ng Pebrero ang mga NATO forces ay kikilos upang puksain ang Iranian
Ayatollahs at ang kanilang mga puppet. Ang unang hakbang ay laban sa mga Somali
bilang paghahanda sa mga pag-atake ng Purim mula ika-10 ng Pebrero hanggang
ika-14 ng Marso. Simula ika-14 ng Marso, ang mga mamamayan ng Iran ay kikilos
upang simulan ang pagpapanumbalik ng dating republika habang bumabagsak ang
Revolutionary Guard at ang awtoridad ng mga Ayatollah.
Ang NATO forces ay lulusob sa Lebanon, Syria, Iraq, at Iran.
Sasakupin nila ang Gaza at wawasakin ito. Magtatatag sila ng kontrol sa mga
pwersa sa Hilagang Aprika, Yemen, Horn of Africa, at Sudan. Ang buong Hilagang
Aprika ay sasama sa mga NATO forces, gayundin ang mga Ethiopians at Eritreans,
at ang kabuuan ng dating Abyssinia.
Ilalagay ng NATO ang kanilang military HQ sa Israel. Ang Jordan at ang
buong East Bank ay pababayaan sa kanilang sariling pamamaraan, basta't ginagawa
nila ang sinasabi sa kanila. Ang NATO ay kikilos laban sa Ehipto at Hilagang
Aprika, at aagawin nila ang mahahalagang bagay ng Ehipto. Kasama na riyan ang
pag-agaw sa Suez Canal na siyang inanunsyo na ngayon ni Trump. Ang buong Ehipto
at Hilagang Aprika ay mapapasailalim sa kontrol ng NATO.
Inanunsyo ni Pangulong Trump nitong nakaraang linggo na
sasakupin niya ang Gaza at wawasakin ito at para hindi na mapakinabangan ng mga
tao sa mundo. Ito ang katuparan ng propesiya ng talata 45 at magsisimula na
ngayon ang malawakang proseso ng paglilinis sa Gaza. Ang Hamas ay aalisin, at
ang Gaza sa huli ay magiging isang lugar para sa NATO forces sa Israel bilang
HQ sa Gitnang Silangan.
Ang magiging reaksyon ng Russia at China ay nakakatakot at
sisimulan nila ang paglala ng Digmaan ng Ika-anim na Pakakak. Ang digmaan ay
lalaganap sa loob ng EU at ang digmaan sa Silangan ay magsisimula din. Ito ang
magiging sanhi ng pagkalipol ng ikatlong bahagi ng sangkatauhan sa Digmaan ng
Ikaanim na Pakakak at ang pagpapatuloy ng mga bakuna at ang cancer mula sa
digmaan ng Ikalimang Pakakak ay magpapatuloy at ito at ang salot ay papatay ng
karagdagang 25% ng sangkatauhan (tingnan din [141C]). Sa loob ng susunod na labindalawang buwan o higit pa,
mahigit kalahati ng sanlibutan ang mamamatay (Apoc. 9:13-21 et seq.). Ang
Russia ay mapipilitang sumuko at pagkatapos ay isasama sa Imperyo ng Hayop (No. 299A), F027vii). Susunod ang China at ang mga Hukbo ng Hayop ay papatayin
ang karamihan sa Islam kapwa Sunni at Shia. Mababawasan nang husto ang Europa.
Papatayin ng mga republikano ang mga Shia clerics sa Iran at Iraq at madadamay
din ang mga Sunni Imams. Ang Indonesia at Malaysia ay aatras mula sa kabaliwan
at kaguluhan bago pa man magkaroon ng hindi na maayos na pinsala. Gayunpaman,
malaking pinsala ang mangyayari. Pagkatapos, sa ilalim ng mga Saksi at Mesiyas,
ang Islam ay babalik sa Orihinal na Pananampalataya, na tinutupad ang Kautusan
at ang Patotoo at ang Kalendaryo ng Templo, tulad ng orihinal na ginawa nito sa
ilalim ni Qassim at ng Rashidun (tingnan ang Nos. 053; 274) gayundin ang Judaismo. Sa
pagdating ng Mesiyas gaya ng inihula sa Dan. 12:1 ang Juda ay magbabalik-loob
sa ilalim ng mga Saksi at ang mga Iglesia ng Diyos na sumusunod sa Hillel, o
walang sinusunod, ay magsisisi, o mamamatay.
Ang mga hukbo ng Hayop na mga puwersa ng NWO ay magbabalik
sa Palestine at pagkatapos ay haharapin ang mga Saksi sa Bundok ng Templo sa loob ng 1260 araw at
hindi nila mapapatay ang mga ito hanggang sa ika-1260 araw (tingnan ang Nos. 135; 141D).
Ipapatupad ng mga Saksi ang Mga Kautusan ng Diyos mula sa
Bundok ng Templo sa loob ng 1260 Araw. Ang kanilang mga kapangyarihan ay
nakalista sa Apoc. 11:3-19. Sila ay tatawag ng apoy mula sa Langit sa loob ng
1260 araw at isasara ang kalangitan at hindi uulan maliban sa kanilang utos, at
sila ay magpapataw ng mga salot sa buong daigdig sa kanilang utos.
Ang Juda at ang mga Iglesia ng Diyos na sumusunod sa Hillel
o wala man lang sinusunod at ang buong Sardis at Laodicea ay papatawan ng mga
salot at mga epidemya mula sa kanilang mga Rabbi at Ministeryo pababa. Ang mga
SDA at ang mga JW ay papatayin sa pamamagitan ng tabak kasama ng Sardis
hanggang sila ay magsisi at magsimulang sumunod sa Kautusan at sa Patotoo at sa
Kalendaryo ng Templo na dumadaloy mula sa Kautusan. Ang bawat opisyal ng
Laodicea sa lahat ng paglalarawan na nagsasaad na ang Kautusan ng Diyos ay
inalis na ay papatayin at magsisimulang mamatay kaagad. Bawat ministro ng
Sardis na nagsasabing ang Kalendaryo ng Templo ay hindi kailangang sundin kundi
sa halip ay ang Hillel ng mga Judio ang dapat sundin ay magsisimulang mamatay
mula sa kanilang pagdating. Ang mga apostatang pangkat na ito ay hindi papasok
sa Unang Pagkabuhay na Mag-uli at hindi pahihintulutang pumasok sa Milenyo, at
sila ay ipapadala sa Ikalawang Pagkabuhay na Mag-uli kasama ang mga huwad na propetang
sinusundan nila gaya nina H. W. Armstrong at A. N. Dugger at E. G. White at
Judge Rutherford at Charles Taze Russell.
Wawasakin na ng NWO ang mga sistemang Trinitarian at
gayundin ang mga Kultong Silanganin at Hinduismo at Budismo at Confucianismo at
Shintoismo at ang mga sistemang Animistiko.
Ipapaliwanag natin kung ano ang kanilang gagawin at kung ano
ang mangyayari sa sanlibutan sa kanilang ministeryo habang ito ay
isinasakatuparan sa loob ng 2025 hanggang 2028.
Ang mga bulaang Cristiano at bulaang Muslim na ito at ang
iba pa ng mga Kulto ng Araw at Misteryo ay haharap sa Mesiyas sa ika-1264 na
araw mula sa mga Saksi. Ang buong
lakas-militar ng sanlibutan sa ilalim ng Hayop ay pupuksain sa loob ng ika-43
Buwan ng Mesiyas, sa Armagedon, sa mga Mangkok ng Poot ng Diyos (No. 141E) at pagkatapos sa loob ng huling 45
araw ng panahong ito, ang lahat ng huwad na relihiyon ay buburahin sa planeta
(tingnan ang Digmaan Laban kay Cristo (No. 141E_2) at ang Ikalawang Exodo ng Isa. Kab. 65 & 66 ay
isasakatuparan. Pagkatapos ay sisimulan natin ang Milenyal na sistema ng
Mesiyas.
Tingnan din ang video Time of the End.
q